| e-texts navigator |
| Wylie |
368b1 ལེགས་སོ་ལེགས།། ཡོན་ཏན་འབྱུང་གནས་ལེགས་སོ་ལེགས།། དེ་ནས་བྱང་ཆུབ་སེམས་དཔའ་ཀུན།། རབ་ཏུ་དགའ་བས་མིག་གདངས་ཏེ།། ཡང་དང་ཡང་དུ་ཕྱག་འཚལ་ནས།། འདི་ཡི་སོམ་ཉི་ཞུས་པར
368b2 གྱུར།། གསང་བ་ཞེས་འདི་གང་ལ་བགྱི།། འདུས་པ་ཞེས་ནི་གང་ལ་བརྗོད།། རྒྱུད་ཀྱི་འབྲེལ་བ་ཇི་ལྟ་བུ།། རྣལ་འབྱོར་རྒྱུད་འདིར་ཅི་ལ་བགྱི།། དེ་ཉིད་རྣམ་པ་དུ་རུ་བཤད།། དེ་བཞིན་གསང་བ་རྣམ་པ་དུ།། གསང
368b3 ཆེན་ཞེས་ནི་གང་ལ་བགྱི།། དམ་པ་རྣམ་པ་དུ་ཞིག་མཆིས།། བྱང་ཆུབ་སེམས་ཞེས་གང་ལ་བགྱི།། དེ་བཞིན་རིག་པའི་སྐྱེས་བུ་ཅི།། བཛྲ་དྷྲྀཀ་ཅེས་ཅི་ལ་བགྱི།། དེ་བཞིན་ཛིན་ཛི་ཀ་ནི་གང་།། དེ་ལ་རཏྣ་དྷྲྀ་ཀ་ནི
368b4 གང་།། དེ་བཞིན་ཨཱ་རོ་ལིཀ་ནི་ཅི།། པྲ་ཛྙཱ་དྷྲྀཀ་ཅེས་གང་ལ་བགྱི།། རིགས་འདིར་དེ་བཞིན་གང་ཞིག་ལགས།། མོ་ཧ་ཞེས་ནི་གང་ལ་བགྱི།། དྭེ་ཥ་ཞེས་བྱ་འདིར་གང་ལགས།། རཱ་ཀ་ཞེས་ནི་ཅི་ལ་བགྱི།། བཛྲ་སྔགས
368b5 ནི་གང་ལ་བགྱི།། ར་ཏི་ཞེས་འདིར་གང་ལ་བགྱི།། ཕུན་སུམ་ཚོགས་པ་གང་ཞིག་ལགས།། ཡ་མཱནྟ་ཀྲྀཏ་དོན་ནི་གང་། དེ་བཞིན་པྲ་ཛྙཱནྟ་ཀྲྀཏ་ཅི།། པད་མཱནྟ་ཀྲྀཏ་མིང་ཅི་ལྟ།། དེ་བཞིན་བིགྷྣཱནྟ་ཀྲྀཏ་ཅི།། ཀུན་དུ་སྤྱོད་པ
368b6 གང་ཅི་ལགས།། དེ་བཞིན་སྔགས་ཀྱི་སྤྱོད་པ་གང་།། འདིར་ནི་བཟླས་པ་གང་ཞིག་ལགས།། རྒྱས་བཏབ་པ་ཞེས་གང་ལ་བགྱི།། ཆོས་འབྱུང་བ་ནི་ཇི་ལྟར་བསྒོམ།། དེ་བཞིན་སྡོམ་པ་ཇི་ལྟ་བུ།། ཞེ་སྡང་གཏི་མུག་འདོད
iiif viewer powered by OpenSeadragon
