| e-texts navigator |
| Wylie |
367b1 སྡོམ་པ་རྡོ་རྗེའི་བྱིན་གྱི་རླབས་ཀྱི་རྒྱལ་པོ་ཞེས་བྱ་བའི་ལེའུ་སྟེ་བཅུ་བདུན་པའོ།། །། དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་ཀྱི་གསང་ཆེན་གསང་བ་འདུས་པ་ཞེས་བྱ་བ་བརྟག་པའི་རྒྱལ་པོ
367b2 ཆེན་པོ་རྫོགས་སོ།། རྒྱ་གར་གྱི་མཁན་པོ་བི་མ་ལ་མི་ཏྲ་དང་ལོ་ཙཱ་བ་དཔལ་བརྩེགས་ཀྱིས་བསྒྱུར་བའོ།། སླར་ཡང་སློབ་དཔོན་ཡེ་ཤེས་ཞབས་དང་བི་ཤྭ་མི་ཏྲའི་འགྲེལ་བ་གཉིས་བི་བརྟ་གཅིག་ཕྱི་འགྱུར་བཅས་ལ
367b3 གཏུག་ནས་ཞུས་དག་བགྱིས་པར་འགྲེལ་པ་གཉིས་དང་བི་བ་རྟ་བཅས་སྔ་འགྱུར་དང་ཁྱད་སྤུ་ཙམ་མི་འདུག་ཅིང་ཕྱི་འགྱུར་ལ་འགྱུར་མི་བདེ་བ་དང་དོན་མི་ལེགས་པ་དང་དོན་གོ་དཀའ་བ་དང་། ཚིག་ཟློས་པ་སོགས
367b4 དོན་ལྟར་མ་བསྐུར་བ་ཆེས་མང་པོ་མཆིས་སོ།། །། རྒྱུད་ཕྱི་མ།། དེ་ནས་བྱམས་པ་ལ་སོགས་པ་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་དེ་བཞིན་གཤེགས་པ་ཐམས་ཅད་ཀྱི
367b5 དབང་བསྐུར་བ་དང་སྐུ་དང་གསུང་དང་ཐུགས་ཀྱི་གསང་བ་བསྟན་པ་ལ་དངོས་པོ་ཐམས་ཅད་ཀྱིས་ཇི་ལྟ་བ་དང་། དུས་ཇི་ལྟ་བ་བཞིན་དུ་མཐོང་ཞིང་ཐོས་ལ་ཁོང་དུ་ཆུད་ནས་ཆོས་གཟིགས་པ་དང་ལྡན་པའི་དེ་བཞིན
367b6 གཤེགས་པ་དེ་དག་ཐམས་ཅད་ལ་འདི་སྐད་ཅེས་གསོལ་ཏོ།། ཨེ་མ་འོ་ཀུན་དུ་བཟང་པོ་ཡི།། སྐུ་གསུང་ཐུགས་ཀྱི་ངེས་པར་དག། རྡོ་རྗེ་གསུམ་གྱིས་ཀུན་དུ་ནི།། རྡོ་རྗེ་གསུམ་ལ་ཐུན་དུ་བཞུགས།། སེམས་ཅན་ཐམས
iiif viewer powered by OpenSeadragon
