| e-texts navigator |
| Wylie |
354b1 ཀྱི་བདག་པོས་རྡོ་རྗེ་མཁའ་འགྲོ་མ་ཐམས་ཅད་ཀྱི་དམ་ཚིག་འདི་ཉིད་ཀྱི་སྐུ་གསུང་ཐུགས་རྡོ་རྗེ་ལས་ཕྱུང་ངོ་།། བཤང་བ་གཅི་བ་ཁྲག་བཟའ་ཞིང་།། ཆང་ལ་སོགས་པ་རྟག་ཏུ་བཏུང་།། རྡོ་རྗེ་མཁའ་འགྲོ་མའི་སྦྱོར
354b2 པས།། གནས་ཀྱི་མཚན་ཉིད་ཀྱིས་གསད་བྱ།། ངོ་བོ་ཉིད་ཀྱིས་ཀུན་འབྱུང་བ།། ཁམས་གསུམ་དག་ཏུ་རྣམ་པར་སྤྱོད།། སེམས་ཅན་ཀུན་ལ་ཕན་འདོད་པས།། དམ་ཚིག་མ་ལུས་སྤྱད་པར་བྱ།། ཁམས་གསུམ་པ་ཐམས
354b3 ཅད་ཀྱི་རྡོ་རྗེའི་དམ་ཚིག་གི་རྗེས་སུ་འབྲང་བ་ཞེས་བྱ་བའི་ཏིང་ངེ་འཛིན་ཏོ།། དེ་ནས་ཕྱག་ན་རྡོ་རྗེ་དེ་བཞིན་གཤེགས་པ་ཐམས་ཅད་ཀྱི་བདག་པོས་ལུས་ཀྱི་དངོས་གྲུབ་ཀྱི་དམ་ཚིག་རྡོ་རྗེ་ཉིད་ཀྱི་སྐུ་གསུང་ཐུགས་རྡོ་རྗེ
354b4 ལས་ཕྱུང་ངོ་།། ལུས་ཀྱི་རྣམ་གསུམ་ཐམས་ཅད་ནི།། རྡོ་རྗེ་ཡང་དག་འབྱུང་བར་བྱ།། སེམས་ཅན་ཁམས་ནི་རྣམ་ཀུན་དུ།། རྟག་ཏུ་སངས་རྒྱས་སྐུ་བྱེད་པའོ།། དེ་ནས་ཕྱག་ན་རྡོ་རྗེ་དེ་བཞིན་གཤེགས་པ་ཐམས་ཅད་ཀྱི
354b5 བདག་པོས་ངག་གི་དངོས་གྲུབ་ཀྱི་རྡོ་རྗེའི་དམ་ཚིག་ཉིད་ཀྱི་སྐུ་གསུང་ཐུགས་རྡོ་རྗེ་ལས་ཕྱུང་ངོ་།། ངག་གི་ལས་ལམ་མ་ལུས་པར།། ཁམས་གསུམ་དྲི་མེད་དཀྱིལ་འཁོར་དུ།། ཚིག་གི་དངོས་གྲུབ་ཡིད་འོང་འདི།། དམ
354b6 ཚིག་ཤིན་ཏུ་འདའ་དཀའ་བའོ།། དེ་ནས་ཕྱག་ན་རྡོ་རྗེ་དེ་བཞིན་གཤེགས་པ་ཐམས་ཅད་ཀྱི་བདག་པོས་སེམས་རྣམ་པར་དག་པའི་དམ་ཚིག་ཉིད་ཀྱི་སྐུ་གསུང་ཐུགས་རྡོ་རྗེ་ལས་ཕྱུང་ངོ་།། ཡིད་ཀྱི་རྡོ་རྗེའི་རང་བཞིན
iiif viewer powered by OpenSeadragon
