| e-texts navigator |
| Wylie |
353b1 རྡོ་རྗེ་ལས་ཕྱུང་ངོ་།། དགེ་བ་བཅུ་ཡི་ལས་ཀྱི་ལམ།། བྱེད་པ་ཡེ་ཤེས་སྤངས་པ་རྣམས།། དམན་པར་མོས་པ་ཐམས་ཅད་ཀྱི།། དམ་ཚིག་དེ་ནི་རྨད་བྱུང་ཆེ།། དེ་ནས་ཕྱག་ན་རྡོ་རྗེ་དེ་བཞིན་གཤེགས་པ་ཐམས་ཅད
353b2 ཀྱི་བདག་པོས་ཚངས་པའི་དམ་ཚིག་འདི་ཉིད་ཀྱི་སྐུ་གསུང་ཐུགས་རྡོ་རྗེ་ལས་ཕྱུང་ངོ་།། གཏི་མུག་ལམ་གྱིས་ལས་གང་རྣམས།། བྱེད་པ་འཇིགས་ཤིང་མི་སྡུག་པ།། སངས་རྒྱས་བྱང་ཆུབ་སྟོན་པ་སྟེ།། སྐུ་ཡི་རྡོ་རྗེ་ཉིད་དུ
353b3 འགྱུར།། དེ་ནས་ཕྱག་ན་རྡོ་རྗེ་དེ་བཞིན་གཤེགས་པ་ཐམས་ཅད་ཀྱི་བདག་པོས་དྲག་པོའི་དམ་ཚིག་འདི་ཉིད་སྐུ་གསུང་ཐུགས་རྡོ་རྗེ་ལས་ཕྱུང་ངོ་།། ཁམས་གསུམ་པར་ནི་གནས་པ་ཡི།། བུད་མེད་རྡོ་རྗེ་ལས་བྱུང
353b4 ཀུན།། སྣ་ཚོགས་དངོས་པོས་སྤྱད་པ་ནི།། དམ་ཚིག་མཆོག་ཏུ་རྨད་བྱུང་བའོ།། དེ་ནས་ཕྱག་ན་རྡོ་རྗེ་དེ་བཞིན་གཤེགས་པ་ཐམས་ཅད་ཀྱི་བདག་པོས་ཁྱབ་འཇུག་གི་དམ་ཚིག་འདི་ཉིད་ཀྱི་སྐུ་གསུང་ཐུགས་རྡོ་རྗེ་ལས
353b5 ཕྱུང་ངོ་།། སེམས་ཅན་སྐྱེས་པ་ཇི་སྙེད་པ།། སྐུ་གསུམ་དབྱེར་མེད་ལ་གནས་པ།། རྡོ་རྗེ་མཁའ་དབྱིངས་བདག་ཉིད་ཀྱང་།། བསམ་གཏན་རྡོ་རྗེས་གསད་པར་བྱ།། དེ་ནས་ཕྱག་ན་རྡོ་རྗེ་དེ་བཞིན་གཤེགས་པ་ཐམས་ཅད
353b6 ཀྱི་བདག་པོས་རྡོ་རྗེ་གསུམ་གྱི་དམ་ཚིག་གི་རྡོ་རྗེ་འདི་ཉིད་ཀྱི། སྐུ་གསུང་ཐུགས་རྡོ་རྗེ་ལས་ཕྱུང་ངོ་།། སྐུ་ཡི་རྡོ་རྗེ་ཚངས་པར་འགྱུར།། གསུང་གི་རྡོ་རྗེ་དབང་ཕྱུག་ཆེ།། ཐུགས་ཀྱི་རྒྱལ་པོ་རྡོ་རྗེ་འཛིན།། དེ་ཉིད་ཁྱབ
iiif viewer powered by OpenSeadragon
