| e-texts navigator |
| Wylie |
353a1 བཞིན་གཤེགས་པའི་བདག་པོས་སངས་རྒྱས་ཐམས་ཅད་གསུང་རྡོ་རྗེའི་དམ་ཚིག་འདི་ཉིད་ཀྱི་སྐུ་གསུང་ཐུགས་རྡོ་རྗེ་ལས་ཕྱུང་ངོ་།། དམ་ཚིག་བཞི་པོ་བསྲུང་བྱ་སྟེ།། གསུང་གི་རྡོ་རྗེ་ཡི་གེ་ཆེས།། བཤད
353a2 གཅི་རྟག་ཏུ་བཟའ་བྱ་ཉིད།། འདི་ནི་གསང་བ་རྨད་བྱུང་བའོ།། དེ་ནས་ཕྱག་ན་རྡོ་རྗེ་དེ་བཞིན་གཤེགས་པ་ཐམས་ཅད་ཀྱི་བདག་པོས་རྡོ་རྗེ་འཛིན་པ་ཐམས་ཅད་ཀྱི་ཐུགས་རྡོ་རྗེའི་དམ་ཚིག་འདི་ཉིད་སྐུ་གསུང་ཐུགས་རྡོ
353a3 རྗེ་ལས་ཕྱུང་ངོ་།། རྡོ་རྗེ་སེམས་དཔའ་རྫུ་འཕྲུལ་ཆེས། དམ་ཚིག་བཞི་པོ་བསྲུང་བྱ་སྟེ།། ཁྲག་དང་ཁུ་བ་སྦྱར་བ་དག། བརྟུལ་ཞུགས་བརྟན་པས་རྟག་ཏུ་བཟའ།། སྐུ་གསུང་ཐུགས་ཀྱི་རྡོ་རྗེ་ཡི།། དམ་ཚིག་དེ་ནི་རྨད་བྱུང
353a4 ཆེ།། སངས་རྒྱས་ཀུན་གྱི་རྟག་པ་ནི།། རྡོ་རྗེ་འཛིན་ཕྱིར་ཡང་དག་བསྲུང་།། གང་ཞིག་དམ་ཚིག་འདི་སྲུང་བ།། རྡོ་རྗེ་སེམས་དཔའ་འོད་པོ་ཆེ།། དེ་ཡི་སྐུ་གསུང་ཐུགས་རྟོགས་པ།། དེ་མ་ཐག་ཏུ་སངས་རྒྱས་འགྱུར།། དེ
353a5 ནས་ཕྱག་ན་རྡོ་རྗེ་དེ་བཞིན་གཤེགས་པ་ཐམས་ཅད་ཀྱི་བདག་པོས་རང་སངས་རྒྱས་ཀྱི་དོན་གྱི་དམ་ཚིག་འདི་ཉིད་ཀྱི་སྐུ་གསུང་ཐུགས་རྡོ་རྗེ་ལས་ཕྱུང་ངོ་།། དེ་ཡི་ལུས་ཀྱི་སྟོན་པ་ནི།། རྡོ་རྗེ་སྐུ་ལ་རབ་ཏུ
353a6 གནས།། སེམས་ཅན་གཟུད་པའི་ངང་ཚུལ་ཏེ།། མཆོག་ཏུ་རྟག་པའི་དམ་ཚིག་གོ། དེ་ནས་ཕྱག་ན་རྡོ་རྗེ་དེ་བཞིན་གཤེགས་པ་ཐམས་ཅད་ཀྱི་བདག་པོས་ཉན་ཐོས་ཀྱི་བསླབ་པའི་དམ་ཚིག་འདི་ཉིད་ཀྱི་སྐུ་གསུང་ཐུགས
iiif viewer powered by OpenSeadragon
