| e-texts navigator |
| Wylie |
352a1 བློ་བརྟན་པས།། ནགས་ཚལ་དག་ཏུ་བསོད་སྙོམས་ཚོལ།། ཁ་ཟས་བཟང་པོ་བསྟར་བ་དག། དེ་དག་སྐྲག་ནས་སྟེར་བར་འགྱུར།། རྡོ་རྗེའི་བདག་ཉིད་གསུམ་འདས་ན།། རྡོ་རྗེའི་ཡི་གེ་འཇིག་པར
352a2 འགྱུར།། ལྷ་མོ་ཀླུ་མོ་གནོད་སྦྱིན་མོ།། ལྷ་མ་ཡིན་མོ་མི་མོའང་རུང་།། རྙེད་ནས་རིག་པའི་བརྟུལ་ཞུགས་བྱ།། རྡོ་རྗེ་གསུམ་གྱི་ཡེ་ཤེས་བསྟན།། འདི་དེ་སྔགས་རྣམས་ཐམས་ཅད་ཀྱི།། གསང་བའི་དེ་ཉིད་ཚུལ་ཆེན
352a3 ཏེ།། རྡོ་རྗེ་གསུམ་གྱི་ཡེ་ཤེས་འབྱུང་།། སངས་རྒྱས་བྱང་ཆུབ་རབ་འཇུག་པའོ།། བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་རིག་པའི་བརྟུལ་ཞུགས་ཀྱི་དམ་ཚིག་གི་དེ་ཁོ་ན་ཉིད་ཀྱི་རྡོ་རྗེས་དེ་སྐད་ཅེས
352a4 བཀའ་སྩལ་ཏོ།། དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་ཀྱི་གསང་ཆེན་གསང་བ་འདུས་པ་ལས་དངོས་གྲུབ་ཐམས་ཅད་ཀྱི་དཀྱིལ་འཁོར་རྡོ་རྗེ་མངོན་པར་རྫོགས་པར་བྱང་ཆུབ་པ་ཞེས་བྱ་བའི
352a5 ལེའུ་སྟེ་བཅུ་དྲུག་པའོ།། །། དེ་ནས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཡང་འདུས་ནས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་སྐུ་གསུང་ཐུགས་རྡོ་རྗེ་དེ་བཞིན་གཤེགས་པ་ལ
352a6 གསོལ་བ་བཏབ་པ། མི་བསྐྱོད་རྡོ་རྗེ་ཡེ་ཤེས་ཆེ།། རྡོ་རྗེ་དབྱིངས་ནི་མཁས་པ་ཆེ།། རྡོ་རྗེ་གསུམ་མཆོག་དཀྱིལ་འཁོར་གསུམ།། གསང་བའི་དབྱངས་ཁྱོད་ཕྱག་འཚལ་ལོ།། རྣམ་པར་སྣང་མཛད་དག་པ་ཆེ།། རྡོ་རྗེ་ཞི
iiif viewer powered by OpenSeadragon
