| e-texts navigator |
| Wylie |
350a1 བསམ།། ཆོ་ག་དག་གིས་སངས་རྒྱས་སྤྲིན།། རྡོ་རྗེ་གསུམ་མཆོག་གྲགས་ཆེན་ནི།། ལུས་དང་ངག་དང་སེམས་ལ་དབབ།། སྐུལ་བྱེད་རྡོ་རྗེ་མ་བསྒོམ་མོ།། རྒྱན་རྣམས་ཐམས་ཅད་ཡོངས་རྫོགས་པ།། ཁ
350a2 དོག་དཀར་མོར་རབ་ཏུ་བསྒོམ།། རྡོ་རྗེ་སེམས་དཔའ་རྒྱལ་པོ་ཆེ།། བསམས་ལ་སྔགས་ཀྱི་གནས་དགོད་དོ།། རྡོ་རྗེའི་དམ་ཚིག་ཡེ་ཤེས་ཀྱི་འོད་ཟེར་ཞེས་བྱ་བའི་ཏིང་ངེ་འཛིན་ཏོ།། དེ་ནས་བཅོམ་ལྡན་འདས་ཕྱག་ན་རྡོ
350a3 རྗེ་དེ་བཞིན་གཤེགས་པས་བསམ་པ་ཐམས་ཅད་རྡོ་རྗེའི་ལོངས་སྤྱོད་ཅེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་ཏིང་ངེ་འཛིན་འཁོར་ལོའི་ཚུལ་འདི་ཉིད་ཀྱི་སྐུ་གསུང་ཐུགས་རྡོ་རྗེ་ལས་ཕྱུང་ངོ་།། ཛཾ། ནམ
350a4 མཁའ་རྡོ་རྗེའི་དབུས་གནས་པར།། སངས་རྒྱས་དཀྱིལ་འཁོར་དམ་པ་བསམ།། སངས་རྒྱས་ཀུན་གྱི་ཆོ་ག་ཡིས།། རྡོ་རྗེ་བསྒོམས་པས་དབབ་པར་བྱ།། ཛཾ་བྷ་ལ་ནི་ནོར་བསྒྲུབ་པ།། གནོད་སྦྱིན་ཆེན་པོ་བསྐྱེད་པར
350a5 བྱ།། ཞི་བ་གནོད་སྦྱིན་གཟུགས་འཛིན་པ།། ཐོར་ཚུགས་དབུ་རྒྱན་རྡོ་རྗེ་ཅན།། སངས་རྒྱས་ལྔ་ནི་ཆོ་ག་ཡིས།། གནས་ལྔ་དག་ཏུ་བསྒོམ་པར་བྱ།། དེ་ཡི་རྡོ་རྗེ་བདུད་རྩིའི་ཆུ།། བསམ་གཏན་གནས་ལ་འདུག་པས
350a6 དབུལ།། རྡོ་རྗེ་སེམས་དཔའི་ཆོ་ག་ཡིས།། དེ་ཡི་དབུ་རྒྱན་རྣམ་པར་བསམ།། དེ་ལྟར་བྱས་ན་གནོད་སྦྱིན་དབང་།། འབྲོག་གནས་དབང་པོ་འོད་ཆེན་མཉེས།། རྡོ་རྗེའི་ཕྱག་རྒྱའི་དམ་ཚིག་རྫས་སྒྲུབ་པའི་རྟོག་གི་དཔལ
iiif viewer powered by OpenSeadragon
