| e-texts navigator |
| Wylie |
34b1 ཆོ་ག་སྤངས།། འདི་ནི་གསང་ཆེན་སྙིང་པོའོ།། སྒྱུ་འཕྲུལ་ཐལ་བའི་རྒྱུད་ཆེན་པོ་ལས། གང་ཟག་ཐབས་ཀྱིས་གཟུང་བའི་ལེའུ་སྟེ་བཅུ་གསུམ་པའོ།། །། དེ་ནས་གཞན་ཡང་བཤད་བྱ་བ།། འདོད་པ་ཅན་ལ
34b2 ཆགས་སྤྱད་པས།། དངོས་པོ་ཞེན་པ་ལས་གྲོལ་བའི།། གྷ་ནའི་རིམ་པ་བཤད་པར་བྱ།། གང་ཞིག་གང་ལ་དགའ་བ་སྟེ།། ལོག་པའི་ཐབས་ཀྱིས་མི་འདུལ་ཏེ།། རྣལ་འབྱོར་ཐབས་ལྡན་སྐྱེས་བུ་ཡིས།། ཆ་མཐུན་ཐབས
34b3 ཀྱིས་གདུལ་བར་བྱ།། གང་ལ་ཆགས་པའི་ཀློང་འཆང་བ།། དེ་ཉིད་ཐབས་མཁས་བློ་ལྡན་པས།། ཆགས་པ་སྦྱོར་བ་མཁས་པ་ཡིས།། བློ་ལྡན་རྣམ་པར་གྲོལ་བར་འགྱུར།། གསང་བ་སྦས་པ་ཐབས་མཁས་པས།། བློ
34b4 ལྡན་མུན་པའི་མར་མེ་ལྟར།། གསང་བའི་ཐབས་ཆེན་སྒྱུ་འཕྲུལ་གྱིས།། མ་ལུས་བདེ་ཆེན་སྣང་བར་འགྱུར།། ཕྱོགས་བཅུའི་སངས་རྒྱས་ཐམས་ཅད་ནི།། སྒྱུ་འཕྲུལ་དྲ་བར་ཤེས་བྱ་སྟེ།། ཐབས་དང་ཤེས་རབ་རང
34b5 བཞིན་གྱིས།། སྐྱེས་པ་བུད་མེད་ངོ་བོར་བཏགས།། འདི་ནི་བདེ་སྐྱེད་བཙུན་མོ་སྟེ།། ལྷ་མོ་དང་ནི་རིག་མ་དང་།། མི་ཡི་བུ་མོ་བློ་ལྡན་པས།། ཐ་མལ་རྟོག་པ་ཞི་བྱེད་ཅིང་།། ཐབས་ཆེན་ལམ་ལ་མཁས་པ་ཡིས།། ཡེ
34b6 སསྣང་བ་འབྱེད་པར་འགྱུར།། བལྟས་པ་དང་ནི་བརྟགས་པ་དང་།། ཐོས་དང་རེག་དང་འགྲོགས་པ་ཡིས།། ཞེན་དང་ལོག་ཅིང་བདེ་བསྐྱེད་དེ།། དྲན་པས་སྡུག་བསྔལ་སེལ་བར་བྱེད།། དེ་བྱེད་མུ་དྲ་རིགས་བརྟགས
iiif viewer powered by OpenSeadragon
