| e-texts navigator |
| Wylie |
34a1 ཤིང་།། དེ་བས་ཐིག་ལེ་རང་བཞིན་མེད།། ལུས་མེད་ཐིག་ལེ་མ་དམིགས་ཏེ།། བདེ་བ་ཆེན་པོ་རང་བཞིན་མེད།། གང་ལ་དངོས་མེད་དེ་བཞིན་ཉིད།། ཐོག་མ་ཐ་མ་མེད་པ་ཡི།། རང་བྱུང་དངོས་པོ་བྱང
34a2 ཆུབ་སེམས།། མ་ནོར་རྟོག་པས་འཁྲུལ་པ་ཟད།། བདེ་བ་ཆེན་པོ་གསང་བའི་དོན།། རྟོགས་ནས་མངོན་དུ་གོམས་བྱེད་པའི།། རང་ལུས་གནས་པའི་མཚན་དཔེ་ལྟར།། གཞན་དུ་ཚོལ་བ་འཁོར་བར་འགྱུར།། རང
34a3 གནས་ཐབས་ཀྱིས་མཚོན་པའི་ལུང་།། སྙིང་པོ་ཉི་མ་ཐབས་ཀྱིས་ཤེས།། གཟུང་འཛིན་བདེ་ཆེན་ངང་ལ་ནུབ།། རང་ལུས་ཐབས་ཀྱི་གཏེར་གྱུར་པས།། དབང་དང་མན་ངག་མེད་པ་ཡིས།། སྨིག་རྒྱུ་ཆུ་ལ་འཛིན་པ
34a4 ལྟར།། རྟོག་གེ་དམན་པས་ཤེས་མི་འགྱུར།། ཐབས་ཆེན་ཐེག་པའི་དོན་འདི་དག། སློབ་དཔོན་ཐུགས་ལ་གནས་པའི་ཕྱིར།། ལུས་དང་ལོངས་སྤྱོད་རྒྱལ་སྲིད་ཀྱིས།། བསྟེན་དང་དོན་འདི་ཤེས་པར་བྱ།། ལེ་ལོ་སྤངས
34a5 པའི་བརྩོན་འགྲུས་ཀྱིས།། གང་ལ་ཆགས་པ་མེད་བཞིན་དུ།། འདོད་པའི་ལོངས་སྤྱོད་མེད་པ་བཞིན།། བདེ་བ་ཆེན་པོ་ལྡན་བཞིན་དུ།། རིག་འཛིན་ས་ལ་གནས་བཞིན་དུ།། ས་བཅུའི་དབང་ཕྱུག་ལྷུན་གྲུབ
34a6 ལ།། ཐབས་ཆེན་འབྲེལ་བར་དབང་བསྐུར་ན།། རྒྱ་མཚོ་དངས་པའི་གཟའ་སྐར་ལྟར།། བྱིན་རླབས་ཡོན་ཏན་རང་ལ་འཆར།། གསང་བའི་གསང་བ་ལྷག་པའི་རྒྱུད།། ཟབ་མོ་རྒྱུད་ཀྱི་ཕྱི་མ་སྟེ།། དམན་པའི་དངོས་གྲུབ
iiif viewer powered by OpenSeadragon
