| e-texts navigator |
| Wylie |
349a1 དམ་ཚིག་བོད་པ་དང་། དམ་ཚིག་འཆིང་བའོ།། མཁའ་དབྱིངས་རྒྱ་ཆེན་དག་པ་ནི།། ཆོས་རྣམས་ཐམས་ཅད་རྣམས་སྤངས་པ།། གོང་བུའི་ཚུལ་གྱིས་རྡོ་རྗེ་ནི།། རྨད་བྱུང་གཟུགས་ཅན་བྱེད་པར
349a2 འགྱུར།། བཅོམ་ལྡན་འདས་སངས་རྒྱས་ཐམས་ཅད་ཀྱི་བུ་གཅིག་པ་རྡོ་རྗེ་སེམས་དཔའ་ཆེན་པོས་དེ་སྐད་ཅེས་བཀའ་སྩལ་ཏོ།། སངས་རྒྱས་རྡོ་རྗེ་སེམས་དཔའང་རུང་།། གལ་ཏེ་དབང་དུ་བྱ་འདོད་ན།། རྡོ་རྗེ་མཆོག
349a3 གསུམ་འཛིན་པ་ཆེ།། གསང་བ་ཆེན་པོ་འདི་བསམ་མོ།། འཛིན་པའི་རྡོ་རྗེ་སྟོབས་པོ་ཆེ།། ནམ་མཁའ་རྡོ་རྗེའི་དབུས་གནས་བསམ།། མདའ་ལྔའི་རབ་ཏུ་སྦྱོར་བ་ཡིས།། དབུ་རྒྱན་རྩེ་མོར་ཡང་དག་སྤྲོ།། གནས་ལྔ་དག
349a4 ཏུ་སྔགས་ཤེས་པས།། རྡོ་རྗེ་ཁྲོ་བོ་དབབ་པར་བྱ།། སྔངས་ཤིང་བརྒྱལ་བར་བསྒོམ་པ་ནི།། བྱིས་པའི་བློ་ནི་གྲགས་ཆེན་གྱིས།། བསམ་གཏན་འདི་ནི་ཟླ་ཕྱེད་དུ།། གསང་བའི་སྐུ་ལ་བདག་གིས་བསྒོམ།། སྔགས་རྣམས
349a5 ཀུན་གྱི་རབ་ཏུ་གསང་།། རྡོ་རྗེའི་དོན་གྱི་བློ་ཡིས་གསུངས།། སངས་རྒྱས་དཀྱིལ་འཁོར་མཆོག་དག་ནི།། ནམ་མཁའ་རྡོ་རྗེའི་དབུས་བསམ་པ།། སྔགས་ཀྱི་རྡོ་རྗེ་ཧཱུ~ཾ་ལ་སོགས།། རྡོ་རྗེ་གསུམ་ལ་སོགས་པ་བསྒོམ།། ཨོཾ
349a6 ནི་མིག་གི་དབུས་བསམས་ནས།། འདི་དག་ཆོ་ག་བཞིན་དུ་བསྟན།། སྔགས་རྣམས་ཀུན་གྱི་གཟུགས་དག་ནི།། སྐུ་གསུང་རྡོ་རྗེ་ཅན་རྣམས་མཐོང་།། བཀྲེས་སྐོམ་ལ་སོགས་ཉོན་མོངས་ཆེ།། སྦྱོར་བ་འདི་ནི་རྣམ་བསམ
iiif viewer powered by OpenSeadragon
