| e-texts navigator |
| Wylie |
347b1 བྱ།། སངས་རྒྱས་ཐམས་ཅད་ཀྱིས་གསུངས་པའི།། དམ་ཚིག་གསང་བ་བསྒྲག་པར་བྱ།། ཁྱོད་ཀྱིས་སྲོག་ཆགས་གསད་པར་བྱ།། བརྫུན་གྱི་ཚིག་ཀྱང་སྨྲ་བར་བྱ།། མ་བྱིན་པ་ཡང་ཁྱོད་ཀྱིས་བླང་།། ཕ་རོལ་བུད་མེད
347b2 བསྟེན་པར་བྱ།། རྡོ་རྗེའི་ལམ་ནི་འདི་དག་གིས།། སེམས་ཅན་ཐམས་ཅད་རབ་བསྐུལ་བྱ།། འདི་ནི་སངས་རྒྱས་ཐམས་ཅད་ཀྱི།། དམ་ཚིག་མཆོག་ཏུ་རྟག་པའོ།། ཞེས་ཀྱང་གསུངས་སོ།། སྔགས་ཀྱིས་བསྐུལ་བ་སྨྲས
347b3 པ་ཡི།། དེ་ལ་སྔགས་ཀྱང་སྦྱིན་པར་བྱ།། སྔགས་ཀྱི་རྒྱལ་པོའི་ཏིང་འཛིན་དང་།། གསང་བ་སྦྱིན་པ་བརྩམ་པར་བྱ།། ཁུ་བའམ་ཡང་ན་བཤང་བའང་རུང་།། མངོན་པར་བསྔགས་ནས་ཆོ་ག་བཞིན།། རྡོ་རྗེའི་བློས་ནི
347b4 བར་གཞུག་བྱ།། འདི་ལྟས་དངོས་གྲུབ་རྙེད་མི་དཀའ།། རྣམ་པ་འདི་བཞི་གསང་ཆེན་ཏེ།། རྡོ་རྗེ་ཅན་ནི་ཀུན་གྱི་གསང་།། སྔགས་ཀྱི་འཁོར་ལོས་བུད་མེད་གཟུགས།། སེམས་ཅན་དོན་སྤྱོད་ཕྱིར་གནས་པའོ།། དེ་ལ
347b5 འདི་ནི་རྡོ་རྗེའི་དཀྱིལ་འཁོར་སྔགས་ཐམས་ཅད་ཀྱིས་མཉེས་པར་བྱ་བ་གསང་བའོ།། གླང་པོའི་ཤ་དང་རྟ་ཡི་ཤ།། ཤ་ཆེན་དག་ཀྱང་བཟའ་བར་བྱ།། སྔགས་རྣམས་ཀུན་ལ་དབུལ་བར་བྱ།། དེ་ལྟར་བྱས་ན་མགོན་པོ
347b6 མཉེས།། ཉིན་རེ་རྡོ་རྗེ་སློབ་མ་ལ།། མཁས་པས་དཀྱིལ་འཁོར་བསྟན་པར་བྱ།། བཤང་གཅི་ཤ་ཡི་བྱ་བ་དང་།། རྡོ་རྗེ་གསང་བའི་ཚིག་དག་གི།། སྔགས་རྣམས་ཀུན་གྱི་ཡི་གེ་ཨོཾ།། བསྒོམས་ན་དེ་མ་ཐག་ཏུ
iiif viewer powered by OpenSeadragon
