| e-texts navigator |
| Wylie |
347a1 པ་ཡིས།། སིལ་སྙན་དྲི་ཡི་སྤྲིན་ཚོགས་བསྒོམ།། འདི་སྐད་ཀྱང་གསུངས་སོ།། རྡོ་རྗེ་སྐུ་གསུམ་སྔགས་ཀྱིས་ནི།། ཡུངས་ཀར་བརྟུལ་ཞུགས་ཅན་གྱིས་བརྡེག། དེ་ལ་དེ་ཡི་ཚེ་ན་ནི།། རང་ཉིད་དབང་བསྐུར
347a2 རབ་ཏུ་སྩོལ།། ཡང་ནི་རྡོ་རྗེ་སེམས་དཔའ་ཡིས།། ཏིང་ངེ་འཛིན་གྱིས་སངས་རྒྱས་བསྒོམ།། བུམ་པ་དམ་ཚིག་མཆོག་རྣམས་ཀྱིས།། བཟུང་བར་མཁས་པས་བསྒོམ་པར་བྱ།། རྡོ་རྗེ་རྣམ་པར་སྣང་མཛད་བསམ།། རྟག
347a3 ཏུ་སློབ་མ་བློ་བརྟན་པ།། ལུས་དང་ངག་སེམས་རྡོ་རྗེ་ཅན།། སྔགས་ཤེས་པས་ནི་དགོད་པར་བྱ།། དེ་ལ་འདི་ནི་དབང་བསྐུར་བ་ཐམས་ཅད་ཀྱི་གསང་ཆེན་ཏེ།། སློབ་དཔོན་ཐམས་ཅད་ཀྱིས་རྡོ་རྗེའི་ཚིག་ཏུ་སྨྲ་བར
347a4 བྱའོ།། དབང་བསྐུར་ཆེན་པོ་རྡོ་རྗེ་ནི།། ཁམས་གསུམ་པ་ཡིས་ཕྱག་བྱས་པ།། རྡོ་རྗེ་གསང་བ་གསུམ་བྱུང་བ།། སངས་རྒྱས་ཀུན་གྱིས་སྦྱིན་པར་བྱ།། དེ་ལ་འདི་ནི་སློབ་མ་ཐམས་ཅད་ཀྱིས་རྡོ་རྗེ་ཆེན་པོའི་གསོལ་བ
347a5 གདབ་པའི་ཆོ་ག་གསང་ཆེན་ནོ།། བྱང་ཆུབ་རྡོ་རྗེས་སངས་རྒྱས་ལ།། མཆོད་ཆེན་ཇི་ལྟར་སྩལ་བ་བཞིན།། བདག་ཀྱང་རབ་ཏུ་བསྒྲལ་བའི་ཕྱིར།། ནམ་མཁའི་རྡོ་རྗེ་དེང་བདག་སྩོལ།། དེ་ཚེ་དེ་ལ་དབང་བསྐུར
347a6 བ།། རབ་དགའི་སེམས་ཀྱིས་སྦྱིན་པར་བྱ།། ལྷ་ཡི་གཟུགས་ཀྱི་སྦྱོར་བ་ཡིས།། སྙིང་གར་བདག་པོ་གཞག་པར་བྱ།། རྡོ་རྗེ་སློབ་མ་བློ་ལྡན་ལ།། སྔགས་ཀྱི་ཡི་གེའི་ཚིག་བྱིན་ལ།། དེ་ལ་དཀྱིལ་འཁོར་བསྟན་པར
iiif viewer powered by OpenSeadragon
