| e-texts navigator |
| Wylie |
346b1 མཛད།། རྡོ་རྗེ་བུམ་པ་རྣམས་དགོད་པ།། སྔགས་རྒྱུད་བདག་པོས་ཤེས་བྱས་པ།། རྡོ་རྗེ་སེམས་དཔའི་ཏིང་འཛིན་གནས།། བརྟན་པའི་བློས་ནི་བརྟག་པར་བྱ།། དངོས་གྲུབ་ཀུན་འབྲས་འདོད་པ་ཡི།། སྔགས་ཤེས་པས
346b2 ནི་སྦྱིན་སྲེག་བྱ།། བཤང་གཅི་འབྲུ་མར་ཤ་ལ་སོགས།། བསྲེག་རྫས་དག་ནི་དབུལ་བར་བྱ།། རྡོ་རྗེ་མི་ཕྱེད་གསུམ་དག་ལ།། རྡོ་རྗེ་གསང་བའི་སྦྱིན་སྲེག་དབུལ།། དབུས་སུ་རང་གི་ལྷ་ཡི་གཟུགས།། བསམས་ཏེ་ཞལ
346b3 དུ་དབབ་པར་བྱ།། འདི་སྐད་ཀྱང་གསུངས་སོ།། དབང་པོ་གཉིས་ནི་རབ་སྦྱོར་བས།། བརྒྱ་རྩ་བརྒྱད་ནི་སྦྱིན་སྲེག་བྱ།། འདི་ནི་སངས་རྒྱས་ཐམས་ཅད་ཀྱི།། དམ་ཚིག་ཤིན་ཏུ་འདའ་དཀའ་བའོ།། རྣམ་པར་སྣང་མཛད
346b4 སྦྱོར་བ་ཡིས།། སློབ་མ་རྡོ་རྗེ་གསུམ་ལས་བྱུང་།། ཨཱཿཡིག་ལུས་དང་ངག་སེམས་ལ།། བསྒོམ་ནས་རྡོ་རྗེ་འཛིན་པར་བྱེད།། རྒྱལ་ཆེན་རྡོ་རྗེ་སེམས་དཔའ་དང་།། གྲགས་ཆེན་རྣམ་པར་སྣང་མཛད་ནི།། སྐུ་གསུང་ཐུགས
346b5 ཀྱི་དམ་ཚིག་ཏུ།། བྱིན་གྱིས་བརླབས་ནི་རབ་ཏུ་སྩོལ།། དེ་ལ་འདི་ནི་དཀྱིལ་འཁོར་ཆེན་པོར་གཞུག་པའི་རྡོ་རྗེའི་དམ་ཚིག་གོ། ཨཱཿཁཾ་བཱི་ར་ཧཱུཾ། འདི་ནི་དམ་ཚིག་ཐམས་ཅད་ཀྱི་ལུས་དང་ངག་དང་སེམས་ཀྱི་སྙིང
346b6 པོའི་སྔགས་ཀྱི་རྒྱལ་པོའོ།། དེ་ལ་འདི་ནི་རྡོ་རྗེ་ཆེན་པོ་དབང་བསྐུར་བའི་གསང་བའི་ཡེ་ཤེས་གསང་ཆེན་ནོ།། སངས་རྒྱས་ཀུན་གྱིས་ནམ་མཁའི་ཁམས།། ཡོངས་སུ་གང་བར་རབ་ཏུ་བསྒོམ།། རྡོ་རྗེའི་རིགས་ནི་འཛིན
iiif viewer powered by OpenSeadragon
