| e-texts navigator |
| Wylie |
345b1 ཀྱི་སྐུ་དང་གསུང་དང་ཐུགས་རྡོ་རྗེའི་གསང་བ་འདི་ཉིད་ཀྱི་སྐུ་གསུང་ཐུགས་རྡོ་རྗེ་ལས་ཕྱུང་ངོ་།། དེ་ལ་འདི་ནི་རྡོ་རྗེའི་དཀྱིལ་འཁོར་གྱི་སྔགས་ཀྱི་སྙིང་པོའི་ཐིག་གི་ཡི་གེའི་གནས་རྣམས་ཏེ། ཨོཾ་ཨཱཿཧཱུཾ། རྡོ་རྗེའི་ཐིག་ནི
345b2 གདབ་པ་དང་།། ཚོན་རྩི་རྣམས་ཀྱང་དགྱེ་བ་དག། སྔགས་ཀྱི་སེམས་པས་མི་བྱ་སྟེ།། བྱས་ན་བྱང་ཆུབ་རྙེད་པར་དཀའ།། དེ་བས་དམ་ཚིག་ཚུལ་ཤེས་པས།། སྔགས་ཀྱི་ལྷ་རྣམས་བཅུག་ནས་སུ།། བྱིན་གྱིས་བརླབས
345b3 པའི་གནས་བསྒོམས་ལ།། དཀྱིལ་འཁོར་རྣམས་ནི་རྣམ་པར་བརྟག། རྒྱལ་ཆེན་རྣམ་པར་སྣང་མཛད་དང་།། སྤྱན་མ་ཡང་ན་གཞུག་པར་བྱ།། སྐུ་ཡི་དཀྱིལ་འཁོར་གནས་ཡིད་འོང་།། རྡོ་རྗེའི་སྐུ་ཡི་ཡོན་ཏན
345b4 འཐོབ།། རྡོ་རྗེ་ཆོས་ནི་རྒྱལ་པོ་ཆེ།། རང་གི་ཆོས་མས་དབབ་པར་བྱ།། འདི་ནི་སྔགས་རྣམས་ཐམས་ཅད་ཀྱི།། མཆོག་ཏུ་རྟག་པའི་གསང་བའོ།། རྡོ་རྗེ་སེམས་དཔའ་རྒྱལ་པོ་ཆེ།། མཱ་མ་ཀཱི་ཡང་དབབ་པར་བྱ།། འདི་དེ
345b5 སྔགས་རྣམས་ཐམས་ཅད་ཀྱི།། མཆོག་ཏུ་རྨད་བྱུང་གསང་ཆེན་ནོ།། དེ་ལྟར་བྱས་པས་མྱུར་དུ་རང་།། ཡིད་ལ་དབང་བ་རྣམས་བྱོན་ནས།། རབ་ཏུ་དགྱེས་པར་གྱུར་པ་རྣམས།། གསང་བ་དག་གི་མཆོག་ཀྱང
345b6 སྩོལ།། འདི་སྐད་ཀྱང་གསུངས་སོ།། སྔགས་གྲུབ་པ་ཡིས་བྱ་བ་ནི།། རྡོ་རྗེ་གསང་བ་རྨད་བྱུང་ཆེ།། ཁྲོ་བོའི་རྒྱལ་པོ་ཡིས་སངས་རྒྱས།། ཐམས་ཅད་བཀུག་ནས་མཆོད་པར་བྱ།། རྡོ་རྗེ་དྲི་མེད་གསུམ་དག་གི།། དམ་ཚིག
iiif viewer powered by OpenSeadragon
