| e-texts navigator |
| Wylie |
345a1 བརྩོན་པས་བྲི་བར་བྱ།། ཚེ་དཔག་མེད་ཀྱི་ཕྱག་རྒྱ་ཆེ།། དེ་ཡི་དབུས་སུ་དགོད་པར་བྱ།། རྡོ་རྗེའི་གནས་ནི་ཉམས་དགའ་ཉིད།། དེ་དག་ཐམས་ཅད་ཡོངས་སུ་དགོད།། ཡོངས་སུ་གསལ་བར་ཆོ་ག
345a2 ཡིས།། དཀྱིལ་འཁོར་དམ་པ་བྱས་ནས་ནི།། དེ་ནས་གསང་བའི་མཆོད་པ་བྱ།། དེ་ལྟས་རྡོ་རྗེ་ཅན་མཉེས་འགྱུར།། བཤང་གཅི་ཁུ་བའི་དམ་ཚིག་གིས།། མཆོད་ན་དངོས་གྲུབ་ཐོབ་པར་འགྱུར།། འདི་ནི་སངས
345a3 རྒྱས་ཐམས་ཅད་ཀྱི།། དམ་ཚིག་ཤིན་ཏུ་འདའ་དཀའ་བའོ།། དེ་བཞིན་གཤེགས་པ་ཐམས་ཅད་ཀྱི་གསུང་རྡོ་རྗེའི་དཀྱིལ་འཁོར་རོ།། དེ་ནས་བཅོམ་ལྡན་འདས་ཕྱག་ན་རྡོ་རྗེ་དེ་བཞིན་གཤེགས་པས་ཀུན་ནས་སྤྲིན་གྱི
345a4 བཀོད་པ་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། རབ་ཏུ་གསང་བའི་དཀྱིལ་འཁོར་གསང་ཆེན་འདི་ཉིད་ཀྱི་སྐུ་གསུང་ཐུགས་རྡོ་རྗེ་ལས་ཕྱུང་ངོ་།། རྡོ་རྗེ་འཛིན་མཆོག་གང་ཡིན་པའི།། གཟུགས་ནི
345a5 དབུས་སུ་ལེགས་བྲིས་པ།། དེ་ཡི་དཀྱིལ་འཁོར་གནས་སུ་འགྱུར།། སྐུ་གསུང་ཐུགས་ཀྱི་གསང་ལས་བྱུང་།། འདི་ནི་དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་རྡོ་རྗེའི་གནས་ཤེས་པའི་གསང་ཆེན
345a6 རབ་ཏུ་གསང་བའོ།། དེ་ནས་བཅོམ་ལྡན་འདས་ཕྱག་ན་རྡོ་རྗེ་དེ་བཞིན་གཤེགས་པས་དཀྱིལ་འཁོར་ཐམས་ཅད་འཁོར་ལོ་འབྱུང་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། དཀྱིལ་འཁོར་ཐམས་ཅད
iiif viewer powered by OpenSeadragon
