| e-texts navigator |
| Wylie |
344b1 པའང་བྲི།། སྐུ་དང་གསུང་ཐུགས་རྡོ་རྗེ་མཆོག། གྲ་རྣམས་ཀུན་དུ་དགོད་པར་བྱ།། སྟོབས་ཆེན་ཕ་རོལ་གནོན་པ་ཡི།། ཁྲོ་བོ་རྣམས་ཀྱང་སྒོར་བྲིའོ།། རྡོ་རྗེ་གསང་བ་རབ་བསྒོམ་པའི།། མཆོད་པ་སྔགས་ཤེས་པ་ཡིས
344b2 བྱ།། འདི་ནི་སྔགས་རྣམས་ཐམས་ཅད་ཀྱི།། དམ་ཚིག་ཤིན་ཏུ་འདའ་དཀའ་བའོ།། བཤང་དང་གཅི་བ་ལ་སོགས་པ།། བྱེ་བྲག་ཏུ་ནི་ངེས་པར་དབུལ།། འདི་ནི་སྐུ་ཡི་རྡོ་རྗེ་ཅན།། སྔགས་རྣམས་ཀུན་གྱི་དམ་ཚིག
344b3 གོ།། འདི་ནི་དེ་བཞིན་གཤེགས་པ་ཐམས་ཅད་ཀྱི་སྐུའི་དཀྱིལ་འཁོར་རོ།། དེ་ནས་བཅོམ་ལྡན་འདས་ཕྱག་ན་རྡོ་རྗེ་དེ་བཞིན་གཤེགས་པས་གསུང་རྡོ་རྗེ་ཐམས་ཅད་ཀྱི་དམ་ཚིག་གི་སྤྲིན་བཀོད་པ་ཞེས་བྱ་བའི་ཏིང་ངེ
344b4 འཛིན་ལ་སྙོམས་པར་ཞུགས་ནས་གསུང་རྡོ་རྗེའི་དཀྱིལ་འཁོར་འདི་ཉིད་ཀྱི་སྐུ་གསུང་ཐུགས་རྡོ་རྗེ་ལས་ཕྱུང་ངོ་།། དེ་ནས་གསུང་གི་དཀྱིལ་འཁོར་མཆོག། ཐུགས་ཀྱི་དཀྱིལ་འཁོར་རབ་ཏུ་འདྲ།། དཀྱིལ་འཁོར་རྣམས
344b5 ནི་ཀུན་གྱི་མཆོག། ལེགས་པར་རབ་ཏུ་བཤད་པར་བྱ།། ཁྲུ་ནི་ཉི་ཤུའི་ཚད་དུ་བྱ།། གྲུ་བཞི་ལྷམ་པ་ཆོ་ག་བཞིན།། གྲཝ་བཞི་པ་ལ་སྒོ་བཞི་པར།། རྡོ་རྗེ་བསྒོམས་པས་ཐིག་གདབ་པོ།། ཉིད་ཀྱི་སྐུ་ཡི་དཀྱིལ་འཁོར
344b6 གནས།། རྡོ་རྗེའི་གསུང་གི་ཡོན་ཏན་བསྐྱེད།། རྒྱལ་པོ་ཆེན་པོ་རྡོ་རྗེ་ཆོས།། རིག་པའི་དབང་པོ་དབབ་པར་བྱ།། དེ་དབུས་འཁོར་ལོ་ཆེན་པོ་ནི།། ཀུན་དུ་ཟླུམ་པོ་བྲི་བར་བྱ།། མདོར་ན་ཕྱག་རྒྱ་ཐམས་ཅད་ནི།། ཆོ་ག
iiif viewer powered by OpenSeadragon
