| e-texts navigator |
| Wylie |
344a1 འདུས་པ་ལས་སེམས་ཅན་ཐམས་ཅད་ཀྱི་དམ་ཚིག་གི་སྙིང་པོ་རྡོ་རྗེ་འབྱུང་བ་ཞེས་བྱ་བའི་ལེའུ་སྟེ་བཅོ་ལྔ་པའོ།། །། དེ་ནས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཡང་འདུས་པར
344a2 གྱུར་ནས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་སྐུ་གསུང་ཐུགས་རྡོ་རྗེ་ལ་དེ་བཞིན་གཤེགས་པ་ཐམས་ཅད་ཀྱི་སྐུ་གསུང་ཐུགས་རྡོ་རྗེའི་དམ་ཚིག་གིས་གསོལ་བ་བཏབ་ནས། དེ་བཞིན་གཤེགས
344a3 པ་ཐམས་ཅད་ཀྱི་རྡོ་རྗེ་རིན་ཆེན་གྱི་མཆོད་པའི་བཀོད་པས་མཆོད་པ་བྱས་སོ།། དེ་ནས་བཅོམ་ལྡན་འདས་ཕྱག་ན་རྡོ་རྗེ་དེ་བཞིན་གཤེགས་པས་རྡོ་རྗེ་ཐམས་ཅད་ཀྱི་དཀྱིལ་འཁོར་སེང་གེའི་དམ་ཚིག་གི་རྒྱལ་པོའི
344a4 བཀོད་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། རྡོ་རྗེ་སྐུའི་དཀྱིལ་འཁོར་འདི་སངས་རྒྱས་ཐམས་ཅད་ཉིད་ཀྱི་སྐུ་གསུང་ཐུགས་རྡོ་རྗེ་ལས་ཕྱུང་ངོ་།། དེ་ནས་སྐུ་ཡི་དཀྱིལ་འཁོར་མཆོག། ཐུགས་ཀྱི
344a5 དཀྱིལ་འཁོར་རབ་འདྲ་བ།། དཀྱིལ་འཁོར་རྣམས་ནི་ཀུན་གྱི་མཆོག། ལེགས་པར་རབ་ཏུ་བཤད་པར་བྱ།། ཁྲུ་ནི་བཅུ་དྲུག་ཚད་དུ་བྱ།། གྲུ་བཞི་ལྷམ་པ་རབ་ཏུ་མཛེས།། སངས་རྒྱས་ཀུན་གྱི་དཀྱིལ་འཁོར་ཏེ།། སྐུ་ཡི་རྡོ
344a6 རྗེ་རབ་ཏུ་གནས།། དེ་ཡི་ནང་དུ་འཁོར་ལོ་ནི།། རྡོ་རྗེའི་ཆོ་གས་བྲི་བར་བྱ།། སྔགས་རྣམས་ཀྱི་ནི་གསང་བ་མཆོག། ཕྱག་རྒྱ་རྡོ་རྗེའི་གནས་སུ་བྱ།། དབུས་སུ་རྣམ་པར་སྣང་མཛད་གནས།། མི་བསྐྱོད་པ་ལ་སོགས
iiif viewer powered by OpenSeadragon
