| e-texts navigator |
| Wylie |
33b1 སྟེ།། རྟོག་གེ་པ་ཡི་ཡུལ་མ་ཡིན།། གསང་ཆེན་ཐབས་ལམ་བཅུད་ཀྱི་མཆོག། ཐབས་དང་ཤེས་རབ་ལྡན་གྱུར་ཅིང་།། ཐིག་ལེ་ཐབས་ཀྱིས་བདེར་ཟིན་པས།། མ་ལུས་བདེ་ཆེན་གང་བར་འགྱུར།། མ་ལུས་བདེ་བ་ཆེན
33b2 པོའི་དབྱིངས།། ཆོས་ཉིད་གསང་བའི་རང་བཞིན་ལ།། འཕེལ་བ་མེད་ཅིང་འགྲིབ་པ་མེད།། སྟོངས་དང་བདེ་བ་ལས་འདས་ཤིང་།། རང་རིག་བྱང་ཆུབ་སེམས་ཉིད་དེ།། རྩ་བཅུད་ཐིག་ལེ་དོན་དང་འབྲེལ།། གསང་བ
33b3 དོན་གྱི་དབྱིངས་ལས་འབྱུང་།། རྟེན་གྱི་ཐིག་ལེ་འགྲོ་འོད་མེད།། དེས་ན་སེམས་ཀྱི་ཐིག་ལེ་ལ།། ཕྱི་ནང་སྟེང་འོག་ཆ་ཤས་མེད།། ཐིག་ལེ་བདེ་བ་ཆེན་པོ་ཉིད།། ཅི་ལ་ཡང་མ་གནས་མི་གནས་པས།། བསམ་བརྗོད
33b4 ཤེས་པའི་ཡུལ་ལས་འདས།། སྒྱུ་འཕྲུལ་ཐབས་ཀྱི་རང་བཞིན་ཏེ།། དྲ་བ་ཤེས་རབ་ཏུ་བསྟན་པ།། གཉིས་མེད་འབྲེལ་བ་གང་མ་ཡིན།། ཐབས་ཆེན་ཐེག་པ་གང་བཤད་དོ།། བྱེ་བྲག་སུམ་ཅུ་རྩ་གཉིས་ཀྱི།། ངོ་བོ
33b5 བསྡུས་པའི་སྙིང་པོ་བཞིན།། སྟེང་དང་འོག་གི་ཚུལ་གནས་ཤིང་།། ཐབས་དང་ཤེས་རབ་ཚུལ་དག་གིས།། སྐུ་དང་གསུང་ཐུགས་རང་གནས་པའི།། ལུས་ཅན་ཀུན་ལ་ཁྱབ་པར་གནས།། བཅུད་དང་ལྡན་པའི་སྙིང་པོ
33b6 འདི།། རྟེན་པ་ཐབས་ཀྱི་སྦྱིན་པ་ཡིས།། གསང་བ་ལེ་ལོ་མེད་བསྒྲུབས་ན།། བདེ་བའི་ཡེ་ཤེས་འཆར་བར་འགྱུར།། མ་ལུས་གསང་བས་དོན་མཐོང་ན།། དངོས་པོར་གནས་པ་མ་ཡིན་ཏེ།། ཆུ་ཤིང་སྙིང་པོ་ལྟར་གནས
iiif viewer powered by OpenSeadragon
