| e-texts navigator |
| Wylie |
33a1 དེ་བཞིན་མིན།། སློང་མོས་འཚོ་བ་རྣམ་པར་སྤང་།། ཐུན་མོང་ཐུན་མོང་མ་ཡིན་པའི།། གསང་བ་ཐབས་ཀྱིས་བདེར་བསྒྲུབ་ན།། ཚེ་འདིར་སངས་རྒྱས་འགྲུབ་པར་འགྱུར།། འཁོར་བའི་མ་རིག་མུན་ཁང
33a2 ན།། བདེ་ཆེན་རྨད་བྱུང་གཏེར་གནས་པ།། དབང་དང་མན་ངག་བདུད་རྩི་ཡིས།། མངོན་དུ་འཆར་བར་མཐེ་ཚོམ་མེད།། རྒྱལ་བ་ཀུན་གྱི་ཐབས་ལྡན་པས།། སྒྱུ་འཕྲུལ་དྲ་བའི་དོན་ཆེན་པོ།། ཇི་ལྟར་དུག་གིས་དུག
33a3 སེལ་ལྟར།། དམན་ལ་ཐབས་དེ་ཡོད་མ་ཡིན།། ཕྱི་རོལ་ཐུན་མོང་གང་ཟག་ལ།། ཉི་མས་མུན་པ་སེལ་བ་ལྟར།། དད་ལྡན་རིགས་ངེས་གང་ཟག་ལ།། ཐུན་མོང་ཐབས་ཀྱིས་འགྲུབ་པ་ཡིན།། ཇི་ལྟར་ནང་གི་བཙོན་ཁང
33a4 ལ།། ཉི་མས་མི་སྣང་སྒྲོན་མེས་སེལ།། བསྐལ་པ་བྱེ་བར་བསགས་པ་ཡི།། སྒྲིབ་པ་ཐབས་ཀྱིས་མངོན་དུ་སེལ།། འཁོར་བའི་ལས་དང་ཉོན་མོངས་ཀུན།། ཐིག་ལེ་ཉམས་དང་ལྡན་དུས་སུ།། གང་ཡང་གནས་པ་མ་ཡིན
33a5 ཏེ།། ཐམས་ཅད་ལྷན་ཅིག་སྐྱེས་པ་ཉིད།། བདེ་ཆེན་འགྲོ་བ་ཀུན་ཁྱབ་ཅིང་།། འགྲོ་བ་ཀུན་གྱི་སྙིང་ལ་བཞུགས།། ལུས་གནས་ལུས་ལ་མི་གནས་ཤིང་།། ངོ་བོ་ཉིད་ལ་ཐ་དད་མེད།། བདེ་བ་ཆེན་པོ་ཐིག་ལེ་ཉིད།། རྒྱུ
33a6 དང་འབྲས་བུ་ལས་འདས་པའི།། རྟག་མིན་ཆད་མིན་ཁ་དོག་བྲལ།། མཚོན་པའི་དབྱིངས་བརྗོད་ཀུན་དང་བྲལ།། གཞི་རྩ་འདས་པའི་སྙིང་པོ་ནི།། དངོས་དང་དངོས་མེད་གཉིས་ཀ་མིན།། དེ་བཞིན་ཉིད་ཀྱི་སྙིང་པོ
iiif viewer powered by OpenSeadragon
