| e-texts navigator |
| Wylie |
333a1 པར་སྣང་མཛད་སྐུ་ཆེན་པོ།། བསམ་གཏན་སྔགས་ཀྱི་སྦྱོར་བ་ཡིས།། སངས་རྒྱས་ཀྱི་ནི་འོད་འདྲར་འགྱུར།། རྡོ་རྗེ་སེམས་དཔའ་སྦྱོར་བ་ཡིས།། བཙོ་བླག་མཁན་ནི་བདག་ཉིད་ཆེ།། བུ་མོ་ཨུཏྤལ་མཐིང
333a2 གའི་མདོག། འདྲ་བ་དག་ནི་རྟག་ཏུ་བསྒྲུབ།། དེ་ཉིད་སྦྱོར་བའི་ཆོ་ག་ནི།། བྱས་ནས་ལས་ནི་བརྩམ་པར་བྱ།། འདི་ནི་སྔགས་རྣམས་ཐམས་ཅད་ཀྱི།། དམ་ཚིག་ཤིན་ཏུ་འདའ་དཀའ་བའོ།། དེ་ནི་དེ་མ་ཟག་ཉིད་དུ།། རྡོ
333a3 རྗེ་སེམས་དཔའི་འོད་འདྲར་འགྱུར།། ཆོས་རྣམས་ཀུན་འཛིན་རྒྱལ་པོ་མཚུངས།། འདོད་དང་ཐར་པ་རབ་སྒྲུབ་པ།། རྡོ་རྗེ་ཆོས་ནི་རྣམ་བསྒོམས་པས།། གར་མཁན་བུ་མོ་རབ་མཛེས་ཤིང་།། བཞིན་བཟང་མིག་ནི
333a4 དཀྱུས་རིང་བ།། སྒྲུབ་པ་པོས་ནི་རྟག་ཏུ་བསྒྲུབ།། དེ་ནི་རྡོ་རྗེ་ཆོས་བདག་ཉིད།། ས་བཅུ་ལ་ནི་གནས་པར་འགྱུར།། རྒྱལ་པོ་གསུང་གི་དམ་ཚིག་འཛིན།། ཀུན་མཆོག་དབང་ཕྱུག་དམ་པའོ།། བྲམ་ཟེ་རྒྱལ་རིགས་རྗེའུ
333a5 རིགས་དང་།། དམངས་རིགས་ལས་བྱུང་བུ་མོ་ནི།། རྡོ་རྗེ་ཆོས་བདག་བསྒྲུབ་པར་བྱ།། གསང་བ་ཐོབ་པར་བྱེད་པའོ།། རྡོ་རྗེ་ཉི་མ་ནུབ་ནས་ནི།། སྒྲུབ་པ་ཀུན་ཏུ་བརྩམ་པར་བྱ།། སྐྱ་རེངས་ཤར་བའི་དུས་སུ
333a6 ནི།། བསྒོམ་པ་མཆོག་གིས་འགྲུབ་པར་འགྱུར།། རྒྱན་རྣམས་ཐམས་ཅད་ཡོངས་སུ་རྫོགས།། དྲི་དང་མེ་ཏོག་རྣམས་ཀྱིས་བརྒྱན།། རྡོ་རྗེ་སེམས་དཔའ་མཆོག་བསྒོམས་ན།། གྲུབ་པ་མྱུར་དུ་ཐོབ་པར་འགྱུར།། འདི་ནི
iiif viewer powered by OpenSeadragon
