| e-texts navigator |
| Wylie |
332b1 གྲགས་ཆེན་པོ།། སྐུ་གསུང་ཐུགས་ཀྱི་རྡོ་རྗེ་རྣམས།། ཕུར་བུས་གདབ་ལ་ཡང་དག་བཤད།། འདི་ནི་སྔགས་རྣམས་ཐམས་ཅད་ཀྱི།། ཕུར་གདབ་དེ་ཉིད་ལས་བྱུང་བ།། སྐུ་གསུང་ཐུགས་ལས་མཆོག་སྦྱིན་པ།། སྔགས
332b2 ཀྱི་དེ་ཉིད་བསྡུས་པའོ།། དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་ཀྱི་གསང་ཆེན་གསང་བ་འདུས་པ་ལས་སྐུ་དང་གསུང་དང་ཐུགས་རྨད་དུ་བྱུང་བ་སྔགས་ཀྱིས་འགུགས་པ་རྣམ་པར་སྤྲུལ་པའི
332b3 རྒྱལ་པོ་ཞེས་བྱ་བའི་ལེའུ་སྟེ་བཅུ་བཞི་པའོ།། །། དེ་ནས་རྒྱལ་པོ་རྡོ་རྗེ་འཛིན།། ཐམས་ཅད་ནམ་མཁའ་མི་འགྱུར་ཆེ།། ཐམས་ཅད་དབང་བསྐུར་ཀུན་མཁྱེན་པས།། རྡོ་རྗེ་གསུང་ནི་བཀའ་སྩལ་པ།། སྨེ་ཤ་ཅན་གྱི
332b4 བདག་ཉིད་ཆེ།། བུ་མོ་ལོ་གྲངས་བཅུ་གཉིས་པ།། དབེན་པའི་གནས་སུ་ཁྱད་པར་དུ།། སྒྲུབ་པ་པོས་ནི་རྟག་ཏུ་བསྒྲུབ།། བཤང་གཅིའི་དམ་ཚིག་ལ་སོགས་པས།། དེ་རུ་ཆོ་ག་བཞིན་དུ་ནི།། དཀྱིལ་འཁོར་གྲུ་བཞི་ལྷག
332b5 པར་བྱས།། རྡོ་རྗེ་དཀྱིལ་འཁོར་བསྒོམས་པ་ཡིས།། མཚན་ཉིད་ཐམས་ཅད་ཡོངས་སུ་དག། བཞིན་ཡང་མཛེས་ལ་རབ་ཏུ་བཟང་།། རྒྱན་རྣམས་ཐམས་ཅད་ཡོངས་རྫོགས་པ།། པང་པར་བཞག་ནས་རྣམ་པར
332b6 བསྒོམ།། དཀྱིལ་འཁོར་ལྔ་ཡི་འཁོར་ལོ་ཡིས།། སངས་རྒྱས་གཟུགས་ནི་རྣམ་པར་བསྒོམ།། སྔགས་ཀྱི་འཁོར་ལོ་ཅན་གྱི་གསང་། མཆོད་པའི་གནས་ནི་ཉམས་དགའ་བསྒོམ།། སྐུ་གསུང་ཐུགས་ནི་རྡོ་རྗེ་ཅན།། རྣམ
iiif viewer powered by OpenSeadragon
