| e-texts navigator |
| Wylie |
331b1 ཡིན།། སྙིང་ག་ནས་ནི་རྐང་པའི་བར།། རྡོ་རྗེ་ཕུར་བུ་རྣམ་པར་བསྒོམ།། དེ་ཉིད་གོང་དུ་དམ་ཚིག་བྱ།། ཕུར་བུའི་རྣམ་པར་འཕྲུལ་བ་འདི།། བསམ་གཏན་རྡོ་རྗེའི་སྦྱོར་བ་ཡིས།། སངས་རྒྱས་ཀྱིས་ཀྱང་ངེས་པར
331b2 འདེབས།། རྡོ་རྗེ་སེམས་དཔའ་རྒྱལ་པོ་ཆེ།། ཕུར་བུས་བཏབ་ན་མྱུར་དུ་འཆི།། དེ་ནས་བཅོམ་ལྡན་འདས་རྣམ་པར་སྣང་མཛད་ཆེན་པོའི་སྐུ་རྣམ་པར་འཕྲུལ་པའི་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས
331b3 ནས། སྐུའི་དམ་ཚིག་ཚམ་ངམ་གྱི་རྡོ་རྗེ་ཕུར་བུའི་སྔགས་འདི་ཉིད་ཀྱི་སྐུ་གསུང་ཐུགས་རྡོ་རྗེ་ལས་ཕྱུང་ངོ་།། ཨོཾ་ཙྪིནྡ་ཙྪིནྡ། ཧ་ན་ཧ་ན། ད་ཧ་ད་ཧ། དཱི་པྟ་བཛྲ་ཙཀྲ་ཧཱུཾ་ཕཊ། ཕན་ཚུན་དཀྲི་བའི་ཚུལ་དང་ནི།། མཐེ་བོང
331b4 བཞི་ནི་རབ་ཏུ་བསྡམ།། རྣམ་པར་སྣང་མཛད་ཚུལ་གནས་ཏེ།། རྡོ་རྗེ་ཕུར་བུ་ངེས་པར་གདབ།། བཏབ་མ་ཐག་ཏུ་སེམས་དཔའ་ཆེ།། རྡོ་རྗེ་སྐུ་གསུམ་ལས་བྱུང་བ།། དམ་ཚིག་མཆོག་གིས་ལྡང་བར་འགྱུར།། ཡང་ན
331b5 འཆི་བའི་གནས་སུ་འགྱུར།། དེ་ནས་བཅོམ་ལྡན་འདས་འཇིག་རྟེན་དབང་ཕྱུག་གསུང་རྣམ་པར་འཕྲུལ་པ་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། གསུང་གི་དམ་ཚིག་ཚམ་ངམ་གྱི་རྡོ་རྗེ་ཕུར་བུའི
331b6 སྔགས་འདི་ཉིད་ཀྱི་སྐུ་གསུང་ཐུགས་རྡོ་རྗེ་ལས་བྱུང་ངོ་། ཨོཾ་ཧྲཱིཿབྷུ་ར་བྷུ་བཿ། ཡེ་ཤེས་པདྨོ་ཁ་ཕྱེ་བ།། རྡོ་རྗེ་སོར་མོ་ངེས་པར་བཞག། འདོད་ཆགས་རྡོ་རྗེའི་ཚུལ་གནས་ཏེ།། རྡོ་རྗེ་ཕུར་བུ་ངེས་པར་གདབ།། བཏབ
iiif viewer powered by OpenSeadragon
