| e-texts navigator |
| Wylie |
32a1 ཚོགས་ཆོས་རྣམས་ཤར་བར་ཟད།། རང་རྒྱུད་དག་པའི་རང་རིག་ལ།། ཆེ་བའི་ཡོན་ཏན་རང་སྣང་བ།། འཕེལ་འགྲིབ་རེས་འཇོག་མི་གནས་ཏེ།། ཐོག་མཐའ་མེད་པའི་སེམས་དཔའ་ཆེ།། ནམ་མཁའ
32a2 དག་དང་མཉམ་པའི་གནས།། རྡོ་རྗེ་སེམས་དཔའ་རྟག་ཏུ་བཞུགས།། ཐོག་མ་ཐ་མའི་དུས་མེད་པར།། མཉམ་གཞག་མེད་ཅིང་རྗེས་ཐོབ་མེད།། བདེ་བ་ཆེན་པོར་རྟག་ཏུ་བརྟག། སྒྱུ་འཕྲུལ་ཐལ་བའི་རྒྱུད་ཆེན་པོ་ལས།།
32a3 གསང་བ་ཐབས་ལ་འཇུག་པའི་ལེའུ་སྟེ་བཅུ་གཉིས་པའོ།། །། དེ་ནས་གཞན་ཡང་བཤད་བྱ་བ།། ཐབས་བྲལ་ལོག་པར་འཁྱམས་པ་རྣམས།། གསང་བའི་ཐབས་ཀྱིས་གྲོལ་བྱའི་ཕྱིར།། རིམ་པ་བཞིན་དུ་བཤད
32a4 པར་བྱ།། སངས་རྒྱས་ཀུན་གྱི་ཐབས་འཆང་ཞིང་།། ཞི་ཞིང་དུལ་བ་སྙིང་རྗེ་ལྡན།། ཟབ་མོ་ཐབས་ཀྱི་གཏེར་དང་ལྡན།། དབང་དང་མན་ངག་ལྡན་པ་དང་།། རྒྱུ་དང་འབྲས་བུ་ལ་སོགས་པ།། ཁྱད་པར་བྱེ་བྲག་མ་རྨོངས
32a5 པ། འདི་ནི་སངས་རྒྱས་བཅོམ་ལྡན་འདས།། འགྲོ་བ་འདུལ་ཕྱིར་བཞུགས་པ་ཡིན།། དད་པ་དང་ནི་དམ་ཚིག་དང་།། ཤེས་རབ་སྙིང་རྗེ་ཕུན་སུམ་ཚོགས།། བརྩོན་འགྲུས་གཏོང་ཕོད་ཆེ་བ་ནི།། པདྨའི་རིགས་སུ་ཤེས
32a6 པར་བྱ།། བུད་མེད་ཆགས་པ་ཆེ་བ་དང་།། དེ་བཞིན་སྐྱེས་བུ་དར་ལ་བབ།། ལང་འཚོ་བདེ་བ་ཕུན་སུམ་ཚོགས།། གསང་བ་ཐབས་ཀྱི་སྣོད་མཆོག་ཡིན།། འདོད་པ་བྲལ་དང་མ་ནིང་དང་།། མ་སྨིན་པ་དང་དཀའ་ཐུབ
iiif viewer powered by OpenSeadragon
