| e-texts navigator |
| Wylie |
324b1 ནས་འདི་ནི་གསུངས་ཙམ་གྱིས།། རྡོ་རྗེ་གསུམ་ནི་མི་ཕྱེད་པ།། རྡོ་རྗེ་ཅན་མཉེས་སྤྱན་གདངས་ནས།། རྡོ་རྗེ་ཐུགས་ནི་རྗེས་སུ་དྲན།། གསུང་བའི་རྡོ་རྗེ་སྦྱོར་བ་ལ།། རྟག་ཏུ་ལས་ནི་རབ་བསྒྲུབ་པ།། རྡོ་རྗེ་ཆེན་པོ
324b2 འཇིགས་ཉིན་ལ།། རྟག་ཏུ་སྟོབས་ནི་བྱེད་པར་བཤད།། དེ་ནས་བཅོམ་ལྡན་འདས་འདོད་ཆགས་ཆེན་པོའི་དམ་ཚིག་གཟིགས་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས།། ཆོས་ཀྱི་དམ་ཚིག་གི་སྐུའི
324b3 བཙུན་མོའི་མཆོག་འདི་ཉིད་ཀྱི་སྐུ་གསུང་ཐུགས་རྡོ་རྗེ་ལས་ཕྱུང་ངོ་།། ཨོཾ་ཀ་ཊེ་བི་ཀ་ཊེ་ནི་ཀ་ཊེ་ཀ་ཊཾ་ཀ་ཊེ་སྭཱ་ཧཱ།། དེ་ནས་འདི་ནི་གསུངས་ཙམ་གྱིས།། རྡོ་རྗེ་ཆོས་མཆོག་འཛིན་པ་རྣམས།། རྡོ་རྗེ་ཆོས་ནི་རྗེས་སུ
324b4 དྲན།། མཉེས་ནས་བསམ་གཏན་ཐོབ་གྱུར་པས།། རྟག་ཏུ་ཆོས་རྒྱས་སྟོབས་དང་ལྡན།། རྟག་ཏུ་མཛད་པོ་ཆེ་མཛད་པ།། རྡོ་རྗེ་གསུང་གི་བཀའ་བཞིན་དུ།། བཟླས་པ་ཙམ་གྱིས་བྱེད་པར་འགྱུར།། དེ་ནས་བཅོམ་ལྡན
324b5 འདས་དམ་ཚིག་ཀུན་ནས་འབྱུང་བ་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། དམ་ཚིག་སེམས་དཔའི་བཙུན་མོའི་མཆོག་འདི་ཉིད་ཀྱི་སྐུ་གསུང་ཐུགས་རྡོ་རྗེ་ལས་ཕྱུང་ངོ་།། ཨོཾ་ཏཱ་རེ་ཏུཏྟ་རེ་ཏུ་རེ་སྭཱ
324b6 ཧཱ།། དེ་ནས་འདི་ནི་གསུངས་ཙམ་གྱིས།། སངས་རྒྱས་ཀུན་བདག་ཆེར་སྐྱེས་མཉེས།། རྡོ་རྗེའི་སྐུ་ནི་རྗེས་སུ་དྲན།། བསམ་གཏན་ཡེ་ཤེས་ཐོབ་གྱུར་པས།། སངས་རྒྱས་རྡོ་རྗེ་སྡེ་ཆེན་དང་།། སེམས་ཅན་ཁམས་ནི་ཀུན
iiif viewer powered by OpenSeadragon
