| e-texts navigator |
| Wylie |
323b1 མཁའི་དབྱིངས་ཀྱི་གནས་གནོན་པ་ཞེས་བྱ་བའི་ཏིང་ངེ་འཛིན་ཏོ།། ནམ་མཁའ་རྡོ་རྗེའི་དབུས་གནས་པར།། ཉི་མའི་དཀྱིལ་འཁོར་དམ་པ་བསམ།། སངས་རྒྱས་གཟུགས་ནི་རབ་བསྒོམས་ལ།། རིག་པའི་འཁོར་ལོར
323b2 རབ་ཏུ་བསྒོམ།། མཚན་རྣམས་ཐམས་ཅད་ཡོངས་སུ་རྫོགས།། འཁོར་ལོ་འབར་བས་ཡོངས་སུ་བསྐོར།། གཙུག་ཏོར་འཁོར་ལོ་དམ་ཚིག་ནི།། རྣམ་པར་འཕྲོ་བ་རབ་ཏུ་བསྒོམ།། མི་བསྐྱོད་དམ་ཚིག་དབུ་རྒྱན
323b3 ལ།། བསྒོམས་ན་མཉེས་པ་རབ་ཏུ་འཕེལ།། འདི་ནི་ཐམས་ཅད་ཁྲོ་བོ་ཡི།། འདའ་བར་དཀའ་བའི་དམ་ཚིག་གོ། གཙུག་ཏོར་གྱི་དམ་ཚིག་རིག་པའི་སྟོབས་འཁོར་ལོ་ཞེས་བྱ་བའི་ཏིང་ངེ་འཛིན་ཏོ།། ནམ་མཁའ་རྡོ
323b4 རྗེའི་དབུས་གནས་པར།། ཉི་མའི་དཀྱིལ་འཁོར་དམ་པ་བསམ།། སངས་རྒྱས་གཟུགས་ནི་རབ་བསྒོམས་ལ།། རྡོ་རྗེ་སུམྦྷ་རབ་ཏུ་བསྒོམ།། མེ་ལྕེ་རྣོན་པོ་འབར་བའི་སྐུ།། རྡོ་རྗེའི་སྤྲིན་ནི་རབ་ཏུ་འཕྲོ།། ཕྱག་ན་རྡོ་རྗེ
323b5 རབ་འབར་བ།། བསྒོམས་ན་དངོས་གྲུབ་ཐོབ་པར་འགྱུར།། མི་བསྐྱོད་དམ་ཚིག་དབུ་རྒྱན་ལ།། བསྒོམས་ན་མཉེས་པ་རབ་ཏུ་འཕེལ།། འདི་ནི་ཐམས་ཅད་ཁྲོ་བོ་ཡི།། འདའ་བར་དཀའ་བའི་དམ་ཚིག་གོ།། རྡོ་རྗེ་དམ
323b6 ཚིག་སུམྦྷ་རབ་ཏུ་འབྱུང་བའི་ཏིང་ངེ་འཛིན་ཏོ།། འགོག་པ་ཁྲོ་བོའི་འཁོར་ལོ་ནི།། སངས་རྒྱས་འཁོར་ལོ་བསྟེན་པ་ཡིས།། ཏིང་འཛིན་རྡོ་རྗེ་ཡེ་ཤེས་རྣམས།། རྡོ་རྗེའི་དཀྱིལ་འཁོར་གྲུབ་པར་འགྱུར།། དེ་བཞིན
iiif viewer powered by OpenSeadragon
