| e-texts navigator |
| Wylie |
323a1 བསྐྱོད་དམ་ཚིག་དབུ་རྒྱན་ལ།། བསྒོམས་ན་མཉེས་པ་རབ་ཏུ་འཕེལ།། འདི་ནི་ཐམས་ཅད་ཁྲོ་བོ་ཡི།། འདའ་བར་དཀའ་བའི་དམ་ཚིག་གོ། རྡོ་རྗེ་གསུམ་གྱི་སྟོབས་ཞེས་བྱ་བའི་ཏིང་ངེ་འཛིན་ཏོ།། ནམ
323a2 མཁའ་རྡོ་རྗེའི་དབུས་གནས་པར།། ཉི་མའི་དཀྱིལ་འཁོར་དམ་པ་བསམ།། སངས་རྒྱས་གཟུགས་ནི་རབ་བསྒོམས་ལ།། རྡོ་རྗེ་སྔོན་པོ་རྣམ་པར་བསྒོམ།། ཁྲོ་བོ་འཇིགས་པའི་ཆ་ལུགས་ཅན།། འཇིགས་པ་དག་ཀྱང
323a3 འཇིགས་པར་བྱེད།། གཟུགས་ནི་རབ་ཏུ་གནག་ལ་རྣོ། རྒྱ་མཚོ་ནག་པོ་སྐྱེད་པར་བྱེད།། འབར་བའི་འོད་ཟེར་མང་པོ་འཕྲོ།། རྡོ་རྗེ་དབྱུག་ཐོགས་བསྒོམ་པར་བྱ།། མི་བསྐྱོད་དམ་ཚིག་དབུ་རྒྱན་ལ།། བསྒོམས་ན་རབ
323a4 ཏུ་མཉེས་པར་འགྱུར།། འདི་ནི་ཐམས་ཅད་ཁྲོ་བོ་ཡི།། འདའ་བར་དཀའ་བའི་དམ་ཚིག་གོ།། རྡོ་རྗེ་དབྱུག་པའི་དམ་ཚིག་མཆོག་དང་ལྡན་པ་ཞེས་བྱ་བའི་ཏིང་ངེ་འཛིན་ཏོ།། ནམ་མཁའ་རྡོ་རྗེའི་དབུས་གནས་པར།། ཉི
323a5 མའི་དཀྱིལ་འཁོར་དམ་པ་བསམ།། སངས་རྒྱས་གཟུགས་ནི་རབ་བསྒོམས་ལ།། མི་གཡོ་མཆོག་ནི་རྣམ་པར་བསྒོམ།། འཁྲོས་ཤིང་འཇིགས་པའི་ཟུར་གྱིས་ལྷ།། འཁྲུགས་པ་རལ་གྲི་ཞགས་པ་བསྣམས།། འབར་བའི
323a6 འོད་ཟེར་མང་པོ་འཕྲོ།། མི་གཡོ་རྡོ་རྗེ་ཅན་བསྒོམ་བྱ།། མི་བསྐྱོད་དམ་ཚིག་དབུ་རྒྱན་ལ།། བསྒོམས་ན་མཉེས་པ་རབ་ཏུ་འཕེལ།། འདི་ནི་ཁྲོ་བོ་ཐམས་ཅད་ཀྱི།། འདའ་བར་དཀའ་བའི་དམ་ཚིག་ཡིན།། རྡོ་རྗེ་ནམ
iiif viewer powered by OpenSeadragon
