| e-texts navigator |
| Wylie |
321b1 ཤིང་།། རྒྱན་རྣམས་ཀུན་གྱིས་བརྒྱན་པ་སྟེ།། ཕྱག་ན་ཨུཏྤལ་དམར་མཛེས་བསྣམས།། སངས་རྒྱས་ཐམས་ཅད་རབ་བསྒོམས་པ།། ཆོས་ཀྱི་ཡེ་ཤེས་འབྱུང་གནས་མཆོག། དམ་ཚིག་རྡོ་རྗེ་ཅན་གྱི་གསང་།། ཆོས་ཀྱི་དམ
321b2 ཚིག་དེ་ཁོ་ན་ཉིད་མངོན་པར་རྫོགས་པར་བྱང་ཆུབ་པ་ཀུན་ཏུ་སྟོན་པའི་རྡོ་རྗེ་ཞེས་བྱ་བའི་ཏིང་ངེ་འཛིན་ཏོ།། ནམ་མཁའ་རྡོ་རྗེའི་དབུས་གནས་པར།། དངོས་གྲུབ་དཀྱིལ་འཁོར་དམ་པ་བསམ།། སངས་རྒྱས་གཟུགས
321b3 ནི་རབ་བསྒོམས་ལ།། སྒྲོལ་མ་མཆོག་ནི་བསྒོམ་པར་བྱ།། ཞལ་བཟང་སྤྱན་ནི་རབ་ཏུ་ཡངས།། སྣ་ཚོགས་རྒྱན་གྱིས་རྣམ་པར་བརྒྱན།། ཁ་དོག་ལྗང་སེར་འདྲ་བའི་འོད།། བུད་མེད་སྒྱུ་མས་རབ་ཏུ་མྱོས།། རྡོ་རྗེ་ཏིང་ངེ
321b4 འཛིན་ལས་བྱུང་།། སེམས་ཅན་ཀུན་གྱིས་ཕྱག་བྱས་པ།། ཨུཏྤལ་ལྗང་སེར་དམར་བའི་མདངས།། ཕྱག་ན་བསྣམས་པ་རབ་ཏུ་བསྒོམ།། དམ་ཚིག་སྒྲོལ་མ་མཆོག་དང་ལྡན་པ་ཞེས་བྱ་བའི་ཏིང་ངེ་འཛིན་ཏོ།། ནམ
321b5 མཁའ་རྡོ་རྗེའི་དབུས་གནས་པར།། ཉི་མའི་དཀྱིལ་འཁོར་དམ་པ་བསམ།། སངས་རྒྱས་གཟུགས་ནི་རབ་བསྒོམས་ལ།། གཤིན་རྗེ་གཤེད་མཆོག་རྣམ་པར་བསྒོམ།། འབར་བའི་འོད་ཟེར་མང་པོ་འཕྲོ།། འཇིགས་པའི
321b6 དཀྱིལ་འཁོར་རབ་ཏུ་ཁྲོས།། སྤྱན་དམར་མཆེ་བ་རྣམ་པར་གཙིགས།། ཕྱག་ན་རལ་གྲི་བསྣམས་པར་བསྒོམ།། དབུ་རྒྱན་སྣང་མཛད་བཞུགས་བསྒོམས་ན།། རྡོ་རྗེ་ཅན་ནི་དགྱེས་པར་འགྱུར།། འདི་ནི་ཡེ་ཤེས་རྡོ་རྗེ
iiif viewer powered by OpenSeadragon
