| e-texts navigator |
| Wylie |
31b1 པའི་བདེ་བ་ལུས་སུ་སྨིན།། ལུས་དེ་བསམ་པས་རྩེ་གཅིག་བསྒོམ།། མ་གོམས་བདེ་བ་རྐྱེན་གྱིས་བསྐྱེད།། ཆུ་རྒྱུན་བཞིན་དུ་ཉིན་མཚན་བསྒོམ།། དུས་གསུམ་ཉིན་མཚན་ལོ་ཟླ་རུ།། སེམས་ནི་ཐིག་ལེ་བརྟན་པ
31b2 ནི།། རྟེན་གྱི་ཐིག་ལེ་མི་འཛག་ཅིང་།། འབྱུང་འཇུག་མེད་པར་བདེ་བར་གསལ།། ཐམས་ཅད་རོ་གཅིག་ཐིམ་པར་འགྱུར།། གང་ཕྱིར་སྣང་བའི་རང་བཞིན་ནི།། ཉི་འོད་ཆུ་རླབས་ཇི་བཞིན་དུ།། མ་ལུས་བདེ་བ་ཆེན་པོ
31b3 རུ།། ཐམས་ཅད་གསལ་བར་བརྟན་པ་དང་།། དེ་ཉིད་བདེ་བར་ཐིམ་གྱུར་ན།། བདེ་ཆེན་ཐིག་ལེ་སྤྲོས་མེད་བརྟེན།། ལོ་དང་ཟླ་གྲངས་ཀྱིས་གནས་ན།། སློབ་དཔོན་གོང་མས་ཐབས་སྦྱོར་བས།། ཡུན་རིང་རྒྱ་ཆེ་ཟག
31b4 མེད་པས།། རྣལ་འབྱོར་བྱིན་གྱིས་རློབ་པར་འགྱུར།། བསྐལ་པ་བརྒྱ་སྟོང་ཁྲི་འབུམ་དང་།། བྱེ་བ་ཟེར་འབུམ་ལ་སོགས་པར།། འཁོར་ཡུག་སྟོང་གསུམ་བརྒྱ་སྟོང་ཕྲག། གང་གཱའི་ཀླུང་སོགས་མཐའ་ཡས
31b5 ཤིང་།། ནམ་མཁའ་མཐར་ཟུག་བར་དུ་ནི།། བསྒོམ་དང་མ་བསྒོམས་བར་ཆད་མེད།། ལྷུན་གྱིས་གྲུབ་པར་གསལ་བར་འགྱུར།། ཐབས་དང་ཤེས་རབ་དབང་རོལ་གྱིས།། སེང་ཕྲུག་ལྟ་བུར་བྱིན་བརླབ་པས།། རང
31b6 རིག་བདེ་ཆེན་བསམ་མི་ཁྱབ།། ནམ་མཁའི་མཐའ་མཉམ་མེ་ལོང་ལ།། བདེ་ཆེན་ཡོན་ཏན་རང་ཤར་བ།། རང་བྱུང་རང་སྣང་འབའ་ཞིག་ལས།། བྱ་དང་བྱེད་པ་ཅུང་ཟད་མེད།། རིག་པའི་མེ་ལོང་སྟོང་པ་ལ།། སྣ
iiif viewer powered by OpenSeadragon
