| e-texts navigator |
| Wylie |
31a1 ནང་དུ་རྒྱུ་བ་གཅིག་ཡིན་ཏེ།། ལྷག་མ་ཕྱི་རོལ་ཤེས་པར་བྱ།། ཐབས་ཀྱི་དངས་མ་ཞེས་བྱ་བ།། རླུང་གསུམ་ཐབས་ཀྱིས་ནང་བཟུང་ཅིང་།། སྟེང་འོག་རྒྱུ་བ་གཅོད་པར་བྱ།། རླུང་གིས་སྣོད་ཀྱི་སྒོ་ཕྱེ
31a2 ནས།། ཐིག་ལེ་རླུང་དུ་འདྲེས་པ་དེས།། སྙིགས་མའི་རྩེ་མོ་ནས་བརྟན་པས།། དངས་མའི་རྩར་ཞུགས་བདེ་བ་འཕེལ།། བདེ་བ་ཆེན་པོས་ལུས་གང་ནས།། མངོན་ཤེས་རྫུ་འཕྲུལ་སྣང་བར་བྱེད།། རླུང་སེམས་བདེ
31a3 བ་ཐིག་ལེར་ཐིམ།། ཐོག་མ་ཐ་མ་མེད་པར་ཐིམ།། བདེ་ཆེན་དེ་བཞིན་ཉིད་དུ་སྣང་།། རང་བྱུང་འཁོར་ལོ་བཞི་བརྟས་པས།། ཉི་མས་འཁྱགས་པ་བཞུ་བ་ལྟར།། ཐིག་ལེས་ལུས་ཀུན་ཁྱབ་བྱས་པས།། གསང་བའི་ཡེ
31a4 ཤེས་མངོན་དུ་འཆར།། མེ་རླུང་ཐབས་ཀྱི་སྦྱོར་བ་ཡིས།། གཡས་གཡོན་ཐབས་ཀྱི་ཐིག་ལེ་བསྐུལ།། སྤྲུལ་པའི་འཁོར་ལོར་བཟློག་བཟུང་བས།། ནམ་མཁའི་ཡེ་ཤེས་ཅིར་ཡང་གསལ།། ནམ་མཁའི་དཀྱིལ་འཁོར་བཞུ
31a5 ཡིས།། བདག་ལུས་ཁྱབ་པར་བྱིན་བརླབས་པས།། ཐམས་ཅད་བདེ་བ་ཆེན་པོར་གསལ།། ཐབས་དང་ཤེས་རབ་ཚད་ལྡན་པས།། བྱིན་རླབས་ཐབས་ལ་མཁས་བྱ་སྟེ།། དབང་པོ་ལྔ་ཡི་སྦྱོར་བ་ཡིས།། ཐབས་ཀྱིས
31a6 ཁྱད་པར་ཅི་རིགས་པར།། རང་རིག་ཉམས་ཀྱི་བདེ་ཆེན་ནི།། འཕེལ་འགྲིབ་མེད་པར་བསྒོམ་པར་བྱ།། ཆགས་པ་དང་ནི་མེད་པ་དང་།། འཛིན་པ་ལ་སོགས་སྤང་བར་བྱ།། གང་དུ་ཐབས་ཀྱིས་སྦྱངས་པ་ལས།། སྤྲུལ
iiif viewer powered by OpenSeadragon
