| e-texts navigator |
| Wylie |
30b1 གོམས་པ་ཡིས།། ཚེ་འདིས་སངས་རྒྱས་ཐོབ་པར་འགྱུར།། གཞན་ཡང་བསྐལ་པ་བྱེ་བར་ཡང་།། གསང་བའི་ལམ་དུ་མི་འགྲུབ་སྟེ།། ཆགས་པ་མེད་པས་དབང་མི་ཐོབ།། དབང་མེད་བདེ་བ་མི་འབྱུང་སྟེ།། བདེ་བ་མེད
30b2 པས་སངས་རྒྱས་ཀུན།། མི་འགྲུབ་ནམ་མཁར་མྱུ་གུ་བཞིན།། བདེ་བས་འཁོར་ལོ་བཞི་དག་ལ།། བྱ་བ་གཞན་སྤངས་རྩེ་གཅིག་གནས།། འབྱུང་བ་ལུས་དང་རིག་པ་སེམས།། བརྟེན་པའི་སྣང་བའི་ཆོས་ཉིད
30b3 རྒྱུད།། ཐོག་མ་ཐ་མ་མེད་པའི་བར།། མཐར་ཐུག་པར་ནི་ནན་ཏན་བྱ།། དམ་ཚིག་དབང་ལྡན་རྣལ་འབྱོར་པས།། ཆགས་ལམ་དབང་ཐོབ་རབ་འབྲིང་གིས།། མོས་པའི་ཚད་དང་སྦྱར་ནས་ནི།། ཇི་ལྟ་བར་ནི་ནན་ཏན
30b4 བྱ།། གནས་པ་དང་ནི་རྒྱུ་བ་དང་།། དྭངས་སྙིགས་དབྱེ་བས་ཤེས་བྱ་སྟེ།། གནས་པའི་སྲོག་གི་རྟེན་ཅན་ནི།། མི་ཤིགས་ཐིག་ལེ་ཤེས་པའི་གནས།། གང་གནས་རབ་ཏུ་གནས་པ་སྟེ།། གཞི་ཞེས་དང་ནི་བཤད་པ
30b5 ཡིན།། རྒྱུ་བ་དངས་མ་ནན་ཅན་དང་།། ཕྱི་རོལ་སྙིགས་མར་ཤེས་པར་བྱ།། ཕྱི་ནང་འཕྲོ་བ་བཅུ་གསུམ་ཏེ།། དུས་ཚོད་དབྱེ་བས་ཤེས་པ་ཡིན།། གནས་པ་གཅིག་དང་རྒྱུ་བ་བདུན།། ཤེས་པའི་བྱེ་བྲག་བསྟན་པ
30b6 ཡིན།། སྙིགས་མ་ཐ་མ་རླུང་ཉིད་ནི།། བདེ་དང་སྡུག་བསྔལ་བཏང་སྙོམས་པ།། གང་དུ་ཁྱབ་དང་ཆགས་པ་དང་།། དཔའ་བོ་སེལ་བར་བྱེད་པ་སྟེ།། གྱེན་དང་ཐུར་དང་ཟད་ཀ་དང་།། མཉམ་པར་རྒྱུ་བ་ཤེས་པ་ཡིན།།
iiif viewer powered by OpenSeadragon
