| e-texts navigator |
| Wylie |
30a1 ཞིང་།། སློབ་དཔོན་མཉེས་ཤིང་དབང་ཐོབ་པས།། བརྩོན་འགྲུས་ཐབས་ལ་མཁས་པ་ཡིས།། སྒྱུ་འཕྲུལ་དྲ་བའི་ལས་ལ་འཇུག། ཐབས་ཀྱི་བདག་པོ་ཕུན་སུམ་ཚོགས།། འགྲོ་བ་རྣམས་ནི་བདེ་བའི
30a2 ཕྱིར།། ལོངས་སྤྱོད་ཆེན་པོ་ཀུན་ལྡན་པས།། རྒྱལ་མཚན་ཆེན་པོར་བཞུགས་པ་ཡིན།། དེ་ལ་མཉེས་པ་ཀུན་བྱས་ནས།། ཐབས་ཆེན་གསང་བའི་དོན་ཐོབ་པས།། སྣ་ཚོགས་བྱ་བ་ཀུན་སྤངས་ནས།། བདེ་བ་ཆེན་པོར
30a3 དོན་འཇུག་པ།། ལོག་ལྟ་ཅན་དང་དཀའ་ཐུབ་ཅན།། དབང་པོ་མ་ཚང་མ་སྨིན་དང་།། དབང་པོ་རྒུད་པ་ཀུན་སྤངས་ཏེ།། འདོད་པ་ལོངས་སྤྱོད་ལྔ་ལྡན་པས།། དགའ་བ་དང་ནི་སྤྲོ་བ་དང་།། དཀའ་ཐུབ་འཚོ་བ་མེད
30a4 པས་འགྲུབ།། བསམ་པའི་ཡུལ་ནི་སྣ་ཚོགས་ཏེ།། སེམས་ཅན་བསམ་པའི་བྱེ་བྲག་གིས།། བསམ་གྱིས་མི་ཁྱབ་གང་བསྟན་པས།། དེ་ཕྱིར་ཐབས་ནི་སྣ་ཚོགས་ཡིན།། རང་བཞིན་ཐིག་ལེ་ཀུན་གྱི་བཅུད།། ཐབས་དང
30a5 ན་གྱི་སྦྱོར་བ་ཡིས།། ཐ་མལ་བ་དང་འཇིག་རྟེན་པ།། ཐར་པའི་བདེ་བར་སྣང་བར་མཛད།། ལུས་ཅན་ཀུན་གྱི་བཅུད་ཡིན་ནོ།། བརྟེན་པ་ལུས་ཀྱི་རང་བཞིན་ལ།། རྒྱུ་བ་གཞི་སྣོད་རྩར་བཤད་དེ།། གནས་པ་ཐིག་ལེ
30a6 བཅུད་ཉིད་དེ།། བསྐྱོད་པ་རླུང་དུ་ཤེས་པར་བྱ།། འབར་བའི་མེ་ཡིས་གསལ་བྱས་ན།། བདེ་ཆེན་བྱང་ཆུབ་སེམས་སུ་འགྱུར།། རང་རྒྱུད་པ་དང་ལོག་པ་དང་།། མི་ཤེས་པ་དག་ཀུན་སྤངས་ཏེ།། ཐབས་ཀྱི་སྦྱོར་བ
iiif viewer powered by OpenSeadragon
