| e-texts navigator |
| Wylie |
306a1 འགྱུར།། བཅོམ་ལྡན་འདས་རྡོ་རྗེ་རིན་ཆེན་ཏོག་གིས་དེ་སྐད་ཅེས་བཀའ་སྩལ་ཏོ།། སྐུ་དང་གསུང་ཐུགས་རྡོ་རྗེ་ཡིས།། རིན་ཆེན་ཏོག་གི་འོད་དང་འདྲ། དེ་ནི་བདག་མེད་བྱང་ཆུབ་དང་། ཡེ་ཤེས་གསང
306a2 བ་མཉམ་གནས་འགྱུར།། རིན་པོ་ཆེ་དམ་ཚིག་ལོངས་སྤྱོད་རྡོ་རྗེ་ཞེས་བྱ་བའི་ཏིང་ངེ་འཛིན་ཏོ།། ནམ་མཁའི་དབྱིངས་ཀྱི་དབུས་གནས་པར།། སངས་རྒྱས་དཀྱིལ་འཁོར་དམ་པ་བསམ།། འཇིག་རྟེན་དབང་ཕྱུག་རབ
306a3 བསྒོམས་ལ།། ཆོས་ཀྱི་ཨོཾ་ཡིག་བསྒོམ་པར་བྱ།། ཨོཾ། རྡོ་རྗེ་དམ་ཚིག་གསུམ་བསྒོམས་པས།། རྡོ་རྗེ་གསུམ་དཔག་མེད་འདྲར་འགྱུར།། ལུས་དང་ངག་སེམས་རྡོ་རྗེ་ཡིས།། འོད་དཔག་མེད་དང་འདྲ་བར་འགྱུར།། དེ་ནི
306a4 སེམས་ཅན་ཐམས་ཅད་ཀྱི།། ཐེག་ཆེན་ལམ་ནི་འབྱུང་བར་འགྱུར།། བཅོམ་ལྡན་འདས་རྡོ་རྗེ་འོད་དཔག་ཏུ་མེད་པས་དེ་སྐད་ཅེས་བཀའ་སྩལ་ཏོ།། ཡོན་ཏན་དཔག་ཏུ་མེད་པའི་འོད་ཀྱི་དཔལ་ཞེས་བྱ་བའི་ཏིང་ངེ
306a5 འཛིན་ཏོ།། ནམ་མཁའི་དབྱིངས་ཀྱི་དབུས་གནས་པར།། སངས་རྒྱས་དཀྱིལ་འཁོར་དམ་པ་བསམ།། རྡོ་རྗེ་ཨུཏྤལ་རབ་བསྒོམས་ནས།། དམ་ཚིག་ཨོཾ་ཡིག་རབ་ཏུ་བསྒོམ།། ཨོཾ། རྡོ་རྗེ་དམ་ཚིག་གསུམ་བསྒོམས
306a6 པས།། རྡོ་རྗེ་དོན་ཡོད་གསུམ་འདྲར་འགྱུར།། ལུས་དང་ངག་སེམས་རྡོ་རྗེ་ཡིས།། རྡོ་རྗེ་དོན་ཡོད་འདྲ་བའི་འོད།། དེ་ནི་དཔལ་ལྡན་ཡེ་ཤེས་མཚོ།། སེམས་ཅན་ཀུན་དོན་འབྱུང་བར་འགྱུར།། བཅོམ་ལྡན་འདས་རྡོ་རྗེ
iiif viewer powered by OpenSeadragon
