| e-texts navigator |
| Wylie |
305b1 དམ་ཚིག་ཟླ་བ་རྡོ་རྗེ་ཞེས་བྱ་བའི་ཏིང་ངེ་འཛིན་ཏོ།། ནམ་མཁའ་དབྱིངས་ཀྱི་དབུས་གནས་པར།། འོད་ཟེར་རང་འབར་ཡི་གེ་ཐིལ།། མཚན་མཆོག་རྡོ་རྗེའི་ལུས་ཀྱིས་ནི།། རྡོ་རྗེ་སྐུ་དང་མཉམ་པར་འགྱུར།། ཟིལ།།
305b2 ནམ་མཁའ་རྡོ་རྗེའི་དམ་ཚིག་གི་བཀོད་པའི་གནས་ཞེས་བྱ་བའི་ཏིང་ངེ་འཛིན་ཏོ།། སངས་རྒྱས་མངོན་ཤེས་དམ་ཚིག་མཆོག། རྡོ་རྗེ་ཅན་དང་མཉམ་པར་འགྱུར།། འདི་ནི་དངོས་གྲུབ་ཐམས་ཅད་ཀྱི།། སངས་རྒྱས
305b3 མངོན་ཤེས་མཆོག་སྒྲུབ་པའོ།། ནམ་མཁའི་ཁམས་ཀྱི་དབུས་གནས་པར།། སངས་རྒྱས་དཀྱིལ་འཁོར་དམ་པ་བསམ།། རྡོ་རྗེ་སེམས་དཔའ་རབ་བསྒོམས་ལ།། ཡེ་ཤེས་ཨོཾ་ཡིག་བསྒོམ་པར་བྱ།། ཨོཾ། རྡོ་རྗེ་དམ་ཚིག
305b4 གསུམ་བསྒོམས་པས།། མི་བསྐྱོད་རྡོ་རྗེ་གསུམ་འདྲར་འགྱུར།། བཅོམ་ལྡན་འདས་རྡོ་རྗེ་མི་བསྐྱོད་པས་དེ་སྐད་ཅེས་བཀའ་སྩལ་ཏོ།། མི་བསྐྱོད་པ་ཡི་སྐུ་འདྲ་དང་།། གསུང་དང་ཐུགས་མཆོག་རྟག་ཏུ་འཛིན།། འཇིག
305b5 རྟེན་ཁམས་རྣམས་ཐམས་ཅད་དུ།། མི་བསྐྱོད་རྡོ་རྗེས་མཆོད་པར་འགྱུར། བཅོམ་ལྡན་འདས་མི་བསྐྱོད་པའི་དམ་ཚིག་མངོན་པར་འབྱུང་བའི་རྡོ་རྗེ་ཞེས་བྱ་བའི་ཏིང་ངེ་འཛིན་ཏོ།། ནམ་མཁའི་དབྱིངས་ཀྱི་དབུས་གནས
305b6 སར།། སངས་རྒྱས་དཀྱིལ་འཁོར་འོད་བཟང་བསམ།། ནམ་མཁའ་རྡོ་རྗེ་རབ་བསྒོམས་ལ།། རིན་ཆེན་ཨོཾ་ཡིག་བསྒོམ་པར་བྱ།། ཨོཾ། རྡོ་རྗེ་དམ་ཚིག་གསུམ་བསྒོམས་པས།། རྡོ་རྗེ་གསུམ་གྱི་ཏོག་འདྲར
iiif viewer powered by OpenSeadragon
