| e-texts navigator |
| Wylie |
303b1 པབའི།། བྱང་ཆུབ་འདི་ཡིས་འཐོབ་པར་འགྱུར།། བྱང་ཆུབ་སེམས་དཔའ་རྒྱལ་རྒྱ་མཚོ།། རྡོ་རྗེ་སེམས་དཔའ་ཚེ་དེས་འཐོབ།། དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་ཀྱི་གསང་ཆེན་གསང་བ
303b2 འདུས་པ་ལས་དེ་བཞིན་གཤེགས་པ་ཐམས་ཅད་ཀྱི་ཐུགས་བསྐུལ་བ་ཞེས་བྱ་བའི་ལེའུ་སྟེ་བཅུ་པའོ།། །། དེ་ནས་བཅོམ་ལྡན་འདས་སྐུ་གསུང་ཐུགས་རྡོ་རྗེ་དེ་བཞིན་གཤེགས་པས་དེ་བཞིན་གཤེགས་པ་ཐམས
303b3 ཅད་ཀྱི་སྔགས་རྡོ་རྗེ་སྐྱེས་བུ་མཆོག་ཅེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་དེ་བཞིན་གཤེགས་པ་ཐམས་ཅད་ཀྱི་སྔགས་རྡོ་རྗེ་རིག་པའི་སྐྱེས་བུ་མཆོག་གི་ལེའུ་འདི་གསུངས་སོ།། རྡོ་རྗེ་གསུམ་ཡིག
303b4 སྔགས་ཀྱི་མཆོག། ཕྱག་རྒྱ་ཆེན་པོ་རྣམ་བསྒོམ་པ།། བྱང་ཆུབ་ཐམས་ཅད་འཐོབ་བྱའི་ཕྱིར།། ཡེ་ཤེས་རྡོ་རྗེ་དག་གིས་བྱ།། ཨོཾ་ཡིག་ཡེ་ཤེས་སྙིང་པོ་སྟེ།། རྡོ་རྗེ་སྐུ་ནི་འཐོབ་བྱེད་པའོ།། ཨཱཿཡིག་བྱང་ཆུབ་བདག་མེད
303b5 པ།། རྡོ་རྗེ་གསུང་ནི་འཐོབ་བྱེད་པའོ།། ཧཱུཾ་ཡིག་སྐུ་གསུང་ཐུགས་ཡིན་ཏེ།། རྡོ་རྗེ་གསུམ་ནི་མི་ཕྱེད་འཐོབ།། བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་སྐུ་གསུང་ཐུགས་ཀྱི་སྔགས་ཀྱི་སྐྱེས་བུས་དེ་སྐད
303b6 ཅེས་བཀའ་སྩལ་ཏོ།། ནམ་མཁའ་རྡོ་རྗེའི་དབུས་གནས་པར།། དཀྱིལ་འཁོར་རྡོ་རྗེ་ཀུན་ལས་སྐྱེས།། རྡོ་རྗེ་སྤྲིན་ནི་འཕྲོ་སྐྱེད་པའོ།། དེ་རུ་ཡི་གེ་བྷྲཱུཾ་བསམ་སྟེ།། དེ་ལ་འདི་ནི་ཡེ་ཤེས་རྡོ་རྗེའི་སྙིང་པོའོ།། བྷྲཱུཾ། རྡོ་རྗེའི
iiif viewer powered by OpenSeadragon
