| e-texts navigator |
| Wylie |
301b1 རྫོགས་པར་བྱང་ཆུབ་པ་སྐུ་གསུང་ཐུགས་ཀྱི་གསང་བ་དེ་བཞིན་གཤེགས་པ་ལ་ཕྱག་འཚལ་ཏེ་འདི་སྐད་ཅེས་གསོལ་ཏོ།། དེ་ཉིད་སྔགས་སྙིང་ཀུན་བསྡུས་པ།། སྐུ་དང་གསུང་ཐུགས་གསང་བར་བསྒྲགས།། དངོས
301b2 གྲུབ་ཆེན་པོའི་ཚུལ་གྱི་མཆོག། བཅོམ་ལྡན་འདས་ཀྱིས་བཤད་དུ་གསོལ།། དེ་ནས་རྒྱལ་པོ་རྡོ་རྗེ་འཛིན།། ཉོན་མོངས་ཀུན་གྱི་རྒྱ་མཚོ་གཙོ། འབར་བ་གཏུམ་པོ་སྤྱན་ཡངས་པས།། གསུང་དེ་འདི་སྐད་བཀའ་སྩལ
301b3 ཏོ།། ལུས་དང་ངག་དང་སེམས་རྣམས་ནི།། རྣམ་པར་མི་རྟོག་མི་དམིགས་པ།། མཉམ་ཉིད་གར་ཡང་མི་གནས་པ།། སྐུ་གསུང་ཐུགས་ཀྱི་རྡོ་རྗེ་བསྒོམ།། དེ་ནས་བཅོམ་ལྡན་འདས་དེ་བཞིན་གཤེགས་པ་རང་བཞིན
301b4 གྱིས་དག་པའི་ཕ་རོལ་ཏུ་ཕྱིན་པ་སྔགས་ཀྱི་ཚུལ་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། དེ་བཞིན་གཤེགས་པ་དེ་དག་ཐམས་ཅད་ལ་འདི་སྐད་ཅེས་བཀའ་སྩལ་ཏོ།། བཅོམ་ལྡན་འདས་དེ་བཞིན
301b5 གཤེགས་པ་ཐམས་ཅད་མི་བསྐྱོད་པ་ལ་སོགས་པ་དེ་བཞིན་གཤེགས་པ་ཐམས་ཅད་རིག་པ་བྱེ་བ་ཁྲག་ཁྲིག་བརྒྱ་སྟོང་དུ་མ་དང་ཐབས་ཅིག་ཏུ་སེམས་ཅན་ཐམས་ཅད་ཀྱི་དོན་བྱ་བའི་གར་གྱི་རོལ་པ་སྟོན་པར་མཛད
301b6 དེ། ཕྱོགས་བཅུའི་འཇིག་རྟེན་གྱི་ཁམས་མཐའ་ཀླས་པར་འདོད་པའི་ཡོན་ཏན་ལྔ་རྣམས་ཀྱིས་རོལ་ཅིང་དགྱེས་པར་ཡོངས་སུ་སྤྱོད་པ་ཡོད་ཀྱང་དེ་དག་སྔགས་སྤྱོད་པ་ལ་མངོན་པར་བརྩོན་པ་རྣམས་ལ་སྤྱན་རས་ཀྱིས
iiif viewer powered by OpenSeadragon
