| e-texts navigator |
| Wylie |
300a1 རྒྱས་དཀྱིལ་འཁོར་བསྒོམ་པར་བྱ།། རྡོ་རྗེ་དོན་ཡོད་རབ་བསྒོམས་ཏེ།། སངས་རྒྱས་ཐམས་ཅད་བསྒོམ་པར་བྱ།། བརྫུན་གྱི་ངག་ནི་རྡོ་རྗེའི་གནས།། ཐམས་ཅད་གཟུགས་སུ་རྣམ་བསྒོམ་བྱ།། རྒྱལ་བའི
300a2 གནས་ནི་ཐམས་ཅད་དང་།། རྒྱལ་བ་ཐམས་ཅད་བསླུ་བར་བྱ།། འདི་དེ་སངས་རྒྱས་ཐམས་ཅད་ཀྱི།། ནམ་མཁའི་གསུང་སྟེ་དྲི་མེད་པ།། ཡེ་ཤེས་བློ་ཅན་ཀུན་གྱི་གསང་།། སྔགས་ཀྱི་དངོས་གྲུབ་འཐོབ་པར
300a3 བཤད།། འདི་ནི་དམ་ཚིག་འགུགས་པའི་རིགས་ཀྱི་དམ་ཚིག་གི་དེ་ཁོ་ན་ཉིད་དེ། དོན་ཇི་ལྟ་བ་བཞིན་དུ་སྤྲོ་བར་བྱའོ།། དེ་ནས་རྒྱལ་པོ་རྡོ་རྗེ་འཛིན།། རྡོ་རྗེ་མི་ཕྱེད་གསུམ་རྒྱལ་གནས།། དངོས་གྲུབ་རྡོ་རྗེ་རབ་སྟོན
300a4 པས།། གསུང་ནི་འདི་སྐད་བཀའ་སྩལ་ཏོ།། ནམ་མཁའི་དབྱིངས་ཀྱི་དབུས་གནས་པར།། དམ་ཚིག་དཀྱིལ་འཁོར་བསྒོམ་པར་བྱ།། རིན་ཆེན་ཏོག་ཏུ་རབ་བསྒོམས་ཏེ།། གཟུགས་རྣམས་ཀུན་གྱིས་འདི་དག
300a5 དགང་།། རྩུབ་པའི་ངག་ལ་སོགས་པ་ཡིས།། བསྟེན་ན་ཡེ་ཤེས་ཐོབ་པར་འགྱུར།། བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་རྡོ་རྗེ་བཀོད་པས་དེ་སྐད་ཅེས་བཀའ་སྩལ་ཏོ།། དེ་ནས་ཡང་དེ་བཞིན
300a6 གཤེགས་པ་ཐམས་ཅད་ཀྱི་དམ་ཚིག་རྡོ་རྗེ་ཏོག་ལ་སོགས་པའི་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ངོ་མཚར་ཞིང་རྨད་དུ་བྱུང་བར་གྱུར་ནས་རྡོ་རྗེའི་ཚིག་འདི་སྨྲས་སོ།། བཅོམ་ལྡན་འདས་དེ་བཞིན
iiif viewer powered by OpenSeadragon
