| e-texts navigator |
| Wylie |
2b1 བཞིན་དུ།། འགྲོ་འོང་མེད་པའི་ཐབས་ཆེན་པོས།། འཁོར་བ་གཉིས་མེད་དོན་སྦྱོར་བ།། འདི་ནི་ཐབས་ཆེན་རོལ་པའི་རྒྱུད།། ཞུས་དང་དེ་ལ་དགོངས་པའི་ཕྱིར།། འདི་ནི་གསང་ཆེན་ཐལ་བའི་རྒྱུད།། དེ་ཚེ་གསང
2b2 བདག་མཉམ་འདུས་པས།། འཁོར་གྱི་རིག་སྔགས་རྒྱལ་པོ་ཡིས།། འཁོར་ལོའི་བདག་པོ་གཙོ་བོ་ལ།། འདོད་དང་མཉེས་དང་ཚོགས་ཀྱི་མཆོག། དགྱེས་པ་ཆེན་པོའི་རོལ་པས་མཆོད།། གསང་བའི་དོན་གཟིགས་ཟབ
2b3 འི་དབྱངས།། འདོད་ཆགས་རོལ་པའི་སྟོབས་ཀྱིས་ཞུས།། ཨེ་མ་ཧོ་གར་མཁན་འཁོར་ལོ་བདེ།། རྟག་ཏུ་བདེ་བས་བདེ་བའི་མཆོག། བདེ་སྟོང་རྟོག་པ་གཉིས་མིན་ཞིང་།། གསང་བ་གསང་ཆེན་གསང་བའི
2b4 མཆོག། འདུས་པའི་འཁོར་ལོ་སྦྱོང་མཛད་པ།། མཐའ་དབུས་ལ་སྩོགས་དུས་མེད་པས།། ལྷན་ཅིག་སྐྱེས་པའི་ངོ་བོར་གནས།། ཐབས་ཆེན་སྒྱུ་འཕྲུལ་དྲ་བའི་རྒྱུད།། ཐུན་མོང་ཐུན་མོང་མ་ཡིན་པའི།། གླེང་གཞི་མཆོག
2b5 ནི་ཇི་ལྟར་ལགས།། རོལ་པའི་གསང་བ་ལས་བྱུང་བའི།། སེམས་ཀྱི་ཁྱད་པར་ཅི་ལྟ་བུ།། གསང་བའི་ཐབས་མཆོག་ལས་བྱུང་བའི།། ལྷ་དང་རྟོགས་པའི་ཁྱད་པར་ཅི།། སྒྱུ་འཕྲུལ་དྲ་བའི་སྐུ་གསུང་ཐུགས།། རང
2b6 བཞིན་ཐབས་ལས་རང་སྣང་བའི།། དཀྱིལ་འཁོར་མཆོག་ནི་ཇི་ལྟར་ལགས།། ཕྱི་ནང་གཟུགས་བརྙན་བྱང་ཆུབ་སེམས།། རིག་པའི་ཐིག་ལེ་མངོན་སྣང་བ།། ཁྱད་པར་རིམ་པ་ཇི་ལྟར་ལགས།། གསང་བ་གསང་ཆེན
iiif viewer powered by OpenSeadragon
