| e-texts navigator |
| Wylie |
29b1 པར་ནི།། བྱེད་པ་སྡོམ་པའི་ཐབས་ཀྱིས་གསལ།། ཡབ་ཡུམ་ཐབས་ཀྱི་དབྱེ་བ་དང་།། ཡང་ན་ཐབས་ཀྱིས་འདུས་པ་དང་།། བལྟ་དང་སྙན་དང་བརྩེ་བ་དང་།། རོལ་པ་ཉམས་དང་སྦྱར་བ་སྟེ།། རང་ཉམས་སློབ་དཔོན
29b2 དག་གིས་བསྟན།། གདུལ་བྱ་ཆགས་ཅན་ལོག་སྲེད་ཅན།། མཐུན་པའི་ཐབས་ཀྱིས་འདུལ་བའི་ཕྱིར།། ཐལ་བའི་དབྱངས་སོགས་འདུས་པ་ལ།། ཐབས་ཆེན་བརྩེ་བའི་ཚུལ་གྱིས་ནི།། སྒྱུ་འཕྲུལ་དྲ་བ་མངོན་རྫོགས
29b3 པའི།། ཐལ་རྒྱུད་ཆེན་པོ་བཤད་པ་ཡིན།། འདི་ནི་བརྟུལ་ཞུགས་ཆེན་པོ་ཡི།། ཐབས་དང་ཤེས་རབ་ལྡན་པ་ཡིས།། རྟོགས་གོམས་ཐབས་ལ་ཉེར་གནས་ཤིང་།། རྫས་དང་ཡོ་བྱད་བཅུད་ལྡན་པས།། ཉམས་ལྡན་པར
29b4 ཆད་མེད་པར་བརྩམ།། ལྷུན་གྱིས་གྲུབ་པ་ཉིད་དུ་འགྱུར།། སྒྱུ་འཕྲུལ་ཐལ་བའི་རྒྱུད་ཆེན་པོ་ལས། རིག་པ་བརྟུལ་ཞུགས་བསྟན་པའི་ལེའུ་སྟེ་བཅུ་གཅིག་པའོ།། །། དེ་ནས་གཞན་ཡང་བཤད་བྱ་བ།། སྒྱུ་འཕྲུལ་དྲ།
29b5 བ་མངོན་རྫོགས་པའི།། གསང་ཆེན་ཐབས་ལ་ངེས་འཇུག་པ།། འདི་ནི་ཡང་དག་བཤད་པར་བྱ།། སྒྱུ་འཕྲུལ་ཐབས་ཀྱི་རང་བཞིན་ཏེ།། དྲ་བ་ཤེས་རབ་ཟབ་མོའི་དབྱིངས།། གཉིས་མེད་འབྲེལ་བའི་བདེ་ཆེན
29b6 པོ།། རྒྱུད་ཀུན་གྱི་ནི་རྒྱལ་པོ་ཉིད།། ཕྱི་ནང་སྣོད་བཅུད་མ་ལུས་པ།། བདེ་ཆེན་ཐིག་ལེར་རང་གནས་པ།། ལུང་དང་མན་ངག་ལྡན་པ་ཡིས།། དངོས་པོ་ཇི་བཞིན་རྟོགས་པར་བྱ།། དད་དང་དམ་ཚིག་ཀུན་ལྡན
iiif viewer powered by OpenSeadragon
