| e-texts navigator |
| Wylie |
299b1 བསྒོམ།། རིན་ཆེན་ཀུན་གྱི་སྦྱོར་བ་ཡིས།། རྡོ་རྗེའི་གཟུགས་ནི་རབ་ཏུ་བརྟག། ནོར་རྣམས་ཐམས་ཅད་ཕྲོགས་ནས་སུ།། རྡོ་རྗེ་གསུམ་གྱིས་རྣམ་པར་བསྒོམ།། ཡིད་བཞིན་ནོར་བུ་འདྲ་བ་ཡིས།། ནོར་གྱི་རྒྱ་མཚོས་རབ
299b2 གང་འགྱུར།། སངས་རྒྱས་ཀུན་གྱི་སྲས་རྣམས་དང་།། ཐུབ་པའི་སྐྱེས་བུ་མཆོག་ཏུ་འགྱུར།། འདི་ནི་རིགས་ཀྱི་རྒྱ་མཚོ་ཐམས་ཅད་ལས་གཏི་མུག་གི་རིགས་ཀྱི་ཡང་དག་པའི་དམ་ཚིག་ཏུ་ཤེས་པར་བྱའོ།། དེ་ནས་རྒྱལ
299b3 པོ་རྡོ་རྗེ་འཛིན།། འདོད་ཆགས་ཐར་པ་རབ་སྒྲུབ་པ།། གསང་བ་དག་པ་དམིགས་མེད་པས།། དཀྱིལ་འཁོར་རབ་ཏུ་བཀའ་སྩལ་ཏོ།། ནམ་མཁའི་དབྱིངས་ཀྱི་དབུས་གནས་པར།། པད་མའི་དཀྱིལ་འཁོར་བསྒོམ་པར
299b4 བྱ།། འོད་དཔག་མེད་ནི་རབ་བསྒོམས་ཏེ།། སངས་རྒྱས་རྣམས་ཀྱིས་ཐམས་ཅད་ནི།། བུད་མེད་ལྟ་བུར་སྦྱོར་བ་ནི།། ཐམས་ཅད་དེ་རུ་བསྒོམ་པར་བྱ།། དམ་ཚིག་བཞི་ཡི་སྦྱོར་བ་ཡིས།། འདི་ནི་རྡོ་རྗེའི་ཚུལ་མཆོག
299b5 གོ།། དབང་པོ་གཉིས་ནི་རབ་སྦྱོར་བས།། དེ་དག་ཐམས་ཅད་ཉེ་བར་སྤྱད།། འདི་ནི་རྡོ་རྗེ་ཐམས་ཅད་ཀྱི།། མི་ཕྱེད་སྐུ་གསུམ་སྒྲུབ་པའོ།། འདི་ནི་འདོད་ཆགས་ཀྱི་རིགས་ཀྱི་ཡང་དག་པའི་དམ་ཚིག་སྟེ། སྔགས་པས
299b6 བསྒོམ་པར་བྱ་བ་ཉིད་དོ།། དེ་ནས་རྒྱལ་པོ་རྡོ་རྗེ་འཛིན།། རྡོ་རྗེ་སྔགས་ཀྱི་དོན་སྒྲུབ་པ།། ཡེ་ཤེས་ལས་བྱུང་བདག་མེད་པས།། གསུང་ནི་འདི་སྐད་བཀའ་སྩལ་ཏོ།། ནམ་མཁའི་དབྱིངས་ཀྱི་དབུས་གནས་པར།། སངས
iiif viewer powered by OpenSeadragon
