| e-texts navigator |
| Wylie |
299a1 དབང་ཕྱུག་དམ་པ་ཡིས།། སྐུ་གསུང་ཐུགས་ལ་ལོངས་སྤྱོད་པ།། རྡོ་རྗེ་མི་ཕྱེད་གསུམ་དཀྱིལ་འཁོར།། སངས་རྒྱས་ཡེ་ཤེས་ཅན་གྱི་གསང་།། ཉམས་དགའ་མཆོག་ནི་རབ་ཏུ་བཤད།། ནམ་མཁའི
299a2 དབྱིངས་ཀྱི་དབུས་གནས་པར།། སངས་རྒྱས་དཀྱིལ་འཁོར་བསྒོམ་པར་བྱ།། མི་བསྐྱོད་རྡོ་རྗེ་རབ་བསྒོམས་ནས།། ལག་ཏུ་རྡོ་རྗེ་བསྒོམ་པར་བྱ།། འོད་འཕྲོ་མང་པོ་འབར་བ་དང་།། འོད་ཟེར་སྣ་ལྔས་རབ་ཏུ
299a3 གང་།། དུས་གསུམ་འབྱུང་བའི་སངས་རྒྱས་རྣམས།། བསྒོམས་ནས་རྡོ་རྗེས་ཕྱེ་མར་བརླག། སྐུ་གསུང་ཐུགས་ཀྱི་ལོངས་སྤྱོད་ནི།། རྡོ་རྗེ་ཕྱེར་བརླགས་མེད་གྱུར་པ།། བསམ་གཏན་མཆོག་དེ་བསྒོམས་ན་ནི།། ཐུགས
299a4 ཀྱི་དངོས་གྲུབ་ཐོབ་པར་འགྱུར།། རྡོ་རྗེ་གསང་བ་འདི་ཡིས་ནི།། སེམས་ཅན་ཐམས་ཅད་བསད་ན་ནི།། མི་བསྐྱོད་སངས་རྒྱས་ཞིང་དུ་ནི།། རྒྱལ་བའི་སྲས་སུ་སྐྱེ་བར་འགྱུར།། འདི་ནི་རིགས་ཐམས་ཅད་ཀྱི་རྒྱ་མ་མཚོ
299a5 ལས་ཞེ་སྡང་གི་རིགས་ཀྱི་དམ་ཚིག་གི་དེ་ཁོ་ནར་ཤེས་པར་བྱའོ།། དེ་ནས་རྒྱལ་པོ་རྡོ་རྗེ་འཛིན།། མི་ཤེས་ཐར་པ་རབ་སྒྲུབ་པ།། ངོ་བོ་ཉིད་དག་གོས་པ་མེད།། བྱང་ཆུབ་སྤྱོད་པ་རབ་སྟོན་པས།། སངས་རྒྱས་བྱང་ཆུབ
299a6 བསྒྲུབ་པ་ཡི།། ཡང་དག་དམ་ཚིག་བཀའ་སྩལ་ཏོ།། ནམ་མཁའི་དབྱིངས་ཀྱི་དབུས་གནས་པར།། འཁོར་ལོའི་དཀྱིལ་འཁོར་བསྒོམ་པར་བྱ།། རྣམ་པར་སྣང་མཛད་རབ་སྒོམས་ཏེ། སངས་རྒྱས་ཐམས་ཅད་རྣམ་པར
iiif viewer powered by OpenSeadragon
