| e-texts navigator |
| Wylie |
298b1 གནས་ན་ཆུང་མཆོག། རིན་ཆེན་སྣ་ཚོགས་ལ་སོགས་བརྒྱན།། སྒྲུབ་ཚེ་རབ་ཏུ་འགྲུབ་པའི་ཕྱིར།། སངས་རྒྱས་ཀུན་ལ་དབུལ་བར་བྱ།། ཞིང་འདི་རིན་ཆེན་སྣ་བདུན་གྱིས།། མཁས་པ་དག་གིས་ཡོངས་བཀང
298b2 ལ།། དངོས་གྲུབ་འདོད་པ་སྦྱིན་པའི་ཕྱིར།། ཉིན་རེ་ཤེས་རབ་ཅན་གྱིས་དབུལ།། བདག་པོའི་ཕྱག་རྒྱར་མཉམ་གཞག་ལ།། སངས་རྒྱས་དཀྱིལ་འཁོར་དབུས་དག་ཏུ།། འདོད་ཆགས་བློ་ཅན་སངས་རྒྱས་ལ།། རིག
298b3 པའི་སྦྱོར་བ་དབུལ་བར་བྱ།། ནམ་མཁའི་དབྱིངས་ཀྱི་དབུས་གནས་པར།། དཀྱིལ་འཁོར་བཀོད་པ་བསྒོམ་པར་བྱ།། རང་ལུས་དེ་བཞིན་གཤེགས་རང་བཞིན།། བཤང་བ་གཅི་བས་བླ་མ་མཆོད།། བཞིན་བཟང་ཡིད
298b4 དུ་འོང་བ་ཡི།། ན་ཆུང་སྐལ་བ་མཆོག་ལྡན་པ།། བྱིན་གྱིས་བརླབས་ཀྱི་གནས་བསམས་ཏེ།། དེ་ཉིད་མཆོད་པ་རབ་ཏུ་བརྟག། མིག་ཡངས་ཁུ་བ་བླངས་ནས་ནི།། བརྟན་པའི་བློ་དང་ལྡན་པས་བཟའ།། འདི་དེ་སྔགས
298b5 རྣམས་ཐམས་ཅད་ཀྱི།། སྐུ་གསུང་ཐུགས་ཀྱི་མཆོད་པ་སྟེ།། ཡེ་ཤེས་རྡོ་རྗེ་ཅན་གྱི་གསང་།། སྔགས་རྣམས་དངོས་གྲུབ་བྱེད་པར་གསུངས།། དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་ཀྱི་གསང
298b6 ཆེན་གསང་བ་འདུས་པ་ལས་བཤང་གཅིའི་དམ་ཚིག་གི་ལེའུ་སྟེ་བརྒྱད་པའོ།། །། དེ་ནས་རྒྱལ་པོ་རྡོ་རྗེ་འཛིན།། ཐམས་ཅད་ནམ་མཁའ་མི་འགྱུར་ཆེ།། ཐམས་ཅད་དབང་བསྐུར་སྤྱོད་པའི་མཆོག། ཀུན་དོན
iiif viewer powered by OpenSeadragon
