| e-texts navigator |
| Wylie |
298a1 པར།། མཁས་པས་སྙིང་གར་བསྒོམ་པར་བྱ།། གང་ཞིག་རྡོ་རྗེ་འཛིན་འདོད་ན།། བསྡུ་བ་དག་ཀྱང་རབ་ཏུ་བྱ།། རིན་ཆེན་སྣ་བཞིའི་མཆོད་རྟེན་ལ།། འོད་ཟེར་ཕྲེང་བས་རྣམ་བརྒྱན་པ།། ཡེ་ཤེས་རྒྱ་མཚོ
298a2 དུས་གསུམ་གྱི།། གནས་སུ་གྱུར་པར་རྣམ་པར་བསམ།། རང་གི་བ་སྤུའི་བུ་ག་ནས།། མཁས་པས་མཆོད་པའི་སྤྲིན་རྣམས་སྤྲོ།། མཁས་པས་ཨུཏྤལ་དག་དང་།། པད་མ་རྣམ་པ་ལྔར་ཤེས་བྱ།། ཛཱ་ཏི་རྣམ་གསུམ་ཤེས
298a3 བྱས་ནས།། ལྷ་རྣམས་ལ་ནི་དབུལ་བར་བྱ།། མེ་ཏོག་ཀར་ནི་ཀ་ར་དང་།། མལླི་ཀཱ་དང་ཡཱུ་ཐི་ཀ། མེ་ཏོག་ཀ་ར་བཱི་ར་ཡང་།། བསམས་ནས་མཆོད་པ་རབ་རུ་བརྟག། དཔག་ཚད་བརྒྱ་ཡི་ཁྱོན་ཙམ་དུ།། འཁོར་ལོའི
298a4 དཀྱིལ་འཁོར་བསྒོམ་བྱ་ཞིང་།། རྣམ་པར་མཁས་པས་བརྟག་པར་ནི།། རིགས་རྣམས་རབ་ཏུ་དགོད་པར་བྱ།། དེ་བཞིན་པད་མ་རྡོ་རྗེ་དང་།། རལ་གྲི་ཨུཏྤ་ལ་མཁས་པས་བསྒོམ།། དཔག་ཚད་བྱེ་བའི་ཁྱོན་ཙམ་ལ།། གྲུ
298a5 བཞི་ཤིན་ཏུ་མཛེས་པ་ཡི།། མཆོད་རྟེན་རིན་ཆེན་བཞིའི་རང་བཞིན།། གསལ་ཞིང་རང་བཞིན་དྲི་མ་མེད།། རིགས་རྣམས་ཐམས་ཅད་མཆོད་པའི་ཕྱིར།། ཤེས་རབ་ཅན་གྱིས་བསྒོམ་པར་བྱ།། འདོད་པའི་ཡོན་ཏན་ལྔ
298a6 རྣམས་ཀྱིས།། དེ་ལ་མཆོད་པ་རྒྱ་མཚོ་བརྩམ།། རིན་ཆེན་ན་བཟའ་ལ་སོགས་པས།། བྱང་ཆུབ་འདོད་པས་རྟག་ཏུ་མཆོད།། མཆོད་པ་རྣམ་ལྔ་མཆོག་རྣམས་ཀྱིས།། རྟག་ཏུ་ལྷ་རྣམས་མཉེས་པར་བྱ།། རིན་ཆེན་འབྱུང
iiif viewer powered by OpenSeadragon
