| e-texts navigator |
| Wylie |
297b1 དབྱིངས་དང་མཚུངས་པའི་མཆོག། རྒྱལ་བཞི་མཆོད་པ་བཤད་དུ་གསོལ།། ཐར་པའི་ལམ་ནི་རབ་སྟོན་པ།། ཐེག་པ་གསུམ་གྱི་ལམ་འཇུག་མཛད།། སངས་རྒྱས་སྐལ་མཆོག་དག་པའི་བདག། མི་མཆོག་མཆོད་པ
297b2 བཤད་དུ་གསོལ།། བྱང་ཆུབ་སེམས་ནི་རྒྱས་པའི་སྤྱན།། ཆོས་ཀྱི་འཁོར་ལོ་རབ་སྐོར་བ།། སྐུ་དང་གསུང་ཐུགས་ཤིན་ཏུ་དག། རྡོ་རྗེ་ཐེག་པ་ཁྱོད་ཕྱག་འཚལ།། དེ་ནས་རྒྱལ་པོ་རྡོ་རྗེ་འཛིན།། ཐམས་ཅད་ནམ་མཁའ་མི
297b3 འགྱུར་ཆེ།། ཐམས་ཅད་དབང་བསྐུར་ཀུན་གྱི་དོན།། ཀུན་དབང་རྡོ་རྗེ་རིན་ཆེན་འཛིན།། དེ་བཞིན་གཤེགས་པའི་མཆོད་པའི་མཆོག། རྡོ་རྗེ་གསུམ་ནི་མི་ཕྱེད་གནས།། སྐུ་དང་གསུང་དང་ཐུགས་སྐལ་མཆོག། རྒྱལ་བ
297b4 འབྱུང་བར་འགྱུར་བ་བཤད།། ན་ཆུང་ཡང་པའི་མིག་ཅན་ནི།། གཟུགས་དང་ལང་ཆོས་བརྒྱན་རྙེད་ནས།། ལོ་གྲངས་ཉི་ཤུ་ལྔ་ལོན་གཟུང་།། བྱོལ་སོང་ལས་ཀྱང་རབ་ཏུ་བརྟག། ས་ཕྱོགས་གཙང་ཞིང་རྣམ་པར་དབེན
297b5 པའམ།། རྒྱལ་བ་ཉིད་སྐྱེས་ཞི་བ་ཞི་པའི་གནས།། བཤང་གཅི་ཆུ་ལ་སོགས་པས་བྱུག་པ་ཡང་།། རྒྱལ་བ་མཆོད་ཕྱིར་རྟག་པར་རབ་ཏུ་བྱ།། ནུ་མའི་དབུས་པར་སྤྱི་གཙུག་མཐའ་ཡི་བར།། ཆོ་ག་ཤེས་པས་ཡང་ན་རྐང
297b6 པའི་བར།། ལྟེ་བ་རོ་སྨད་གསང་བ་རྒྱལ་བའི་སྲས།། རིགས་ལྔ་རྣམས་ནི་རབ་ཏུ་དགོད་པར་བྱ།། ནམ་མཁའི་དབྱིངས་ཀྱི་དབུས་གནས་པར།། ཡེ་ཤེས་རྒྱ་མཚོ་བསྒོམ་པར་བྱ།། བདག་ཉིད་ཟླ་བའི་དབུས་གནས
iiif viewer powered by OpenSeadragon
