| e-texts navigator |
| Wylie |
297a1 དེ་ནས་ནི།། ནམ་མཁའ་མཚན་མེད་མི་འགྱུར་དེས།། གཉིས་མེད་གཉིས་སུ་མེད་མིན་ཞི།། ཤིན་ཏུ་དྲི་མེད་ནམ་མཁའ་བཞིན།། དེ་ལ་ཞེ་སྡང་གི་རིགས་ཀྱི་མཆོད་པ་རྗེས་སུ་དྲན་པ་ཇི་ལྟར་བསྒོམ་ཞེ
297a2 ན། བུད་མེད་སེམས་ནི་རབ་བརྟན་པ།། ལོ་གྲངས་བཅུ་གཉིས་ལོན་རྙེད་ནས།། རིགས་ཀྱི་སྦྱོར་བའི་རབ་དབྱེ་བས།། རང་གི་ཁུ་བས་མཆོད་པར་བྱ།། འདིས་ནི་དེ་བཞིན་གཤེགས་པའི་སྐུ།། རྡོ་རྗེ་འཛིན་པའི་ཐུགས
297a3 དག་དང་།། ཆོས་འཛིན་མཆོག་གི་གསུང་དག་ནི།། ཚེ་འདི་ཉིད་ལ་ཐོབ་པར་འགྱུར།། སྐུ་དང་གསུང་ཐུགས་ཡང་དག་གྲུབ།། གང་གཞན་ཕྲ་མོར་བཤད་པ་རྣམས།། རྡོ་རྗེ་མི་ཕྱེད་གསུམ་བསྒོམས་པས།། བཟླས་པས
297a4 དེ་ནི་འགྲུབ་པར་འགྱུར།། དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་ཀྱི་གསང་ཆེན་གསང་བ་འདུས་པ་ལས་སྔགས་ཀྱི་སྤྱོད་པ་མཆོག་གི་ལེའུ་སྟེ་བདུན་པའོ།། །། དེ་ནས་བཅོམ་ལྡན་འདས་དེ
297a5 བཞིན་གཤེགས་པ་རིན་ཆེན་ཏོག་གིས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་བདག་པོ་དམ་པའི་དབང་ཕྱུག་རྡོ་རྗེ་འཆང་ཆེན་པོ་ལ་བསྟོད་པའི་རྒྱལ་པོ་འདིས་གསོལ་བ་བཏབ་བོ།། རྡོ་རྗེ་རྒྱལ
297a6 པོ་ཐེག་པ་ཆེ།། ནམ་མཁའི་སྤྱོད་པས་རྣམ་སྦྱོང་བ།། ཀུན་ཏུ་བཟང་པོའི་སྤྱོད་པ་མཆོག། རྒྱལ་མཆོག་མཆོད་པ་བཤད་དུ་གསོལ།། འདོད་ཆགས་ཞེ་སྡང་གཏི་མུག་ཆེ།། རྡོ་རྗེ་ཐེག་པ་རབ་སྟོན་པ།། ནམ་མཁའི
iiif viewer powered by OpenSeadragon
