| e-texts navigator |
| Wylie |
296b1 ཚིག་ནི་ཕུན་སུམ་ཚོགས།། བདག་གི་ཚིག་ཀྱང་དེ་འདྲ་བར།། ཆོས་འཛིན་པ་དང་འདྲར་གྱུར་ཅིག། དེ་ལ་ཐུགས་རྗེས་སུ་དྲན་པ་ཇི་ལྟར་བསྒོམ་ཞེ་ན། ཀུན་དུ་བཟང་པོའི་ཐུགས་གང་ཞིག། གསང་བའི་བདག་པོ་བློ
296b2 ལྡན་པ།། བདག་གི་སེམས་ཀྱང་དེ་འདྲ་བར།། རྡོ་རྗེ་འཛིན་དང་འདྲར་གྱུར་ཅིག། དེ་ལ་སེམས་ཅན་རྗེས་སུ་དྲན་པ་ཇི་ལྟར་བསྒོམ་ཞེ་ན། སེམས་ཅན་ཀུན་གྱི་སེམས་གང་ཡིན།། སྐུ་དང་གསུང་དང་ཐུགས་ཀྱི
296b3 མཚན།། དེ་ནི་སངས་རྒྱས་ཐམས་ཅད་ཀྱི།། མཁའ་དང་མཚུངས་པར་སྤྱོད་གྱུར་ཅིག། དེ་ལ་སྔགས་ཀྱི་གཟུགས་དང་སྐུ་དང་གསུང་དང་ཐུགས་ཐམས་ཅད་རྗེས་སུ་དྲན་པ་ཇི་ལྟར་བསྒོམ་ཞེ་ན། སྔགས་ཀྱི་རྡོ་རྗེའི་སྐུ
296b4 གང་ཡིན།། གསུང་གི་སྐུ་ནི་རྣམ་བསྒོམ་པ།། བདག་ཀྱང་དེ་དང་འདྲ་བའི་སྐུ།། རྟག་ཏུ་སྔགས་འཛིན་པ་དང་མཉམ།། དེ་ལ་དམ་ཚིག་རྗེས་སུ་དྲན་པ་ཇི་ལྟར་བསྒོམ་ཞེ་ན། དམ་ཚིག་ཁུ་ཆུ་ཆོ་ག་བཞིན།། འབྲས་བུ
296b5 འདོད་པས་བཏུང་བྱ་ཞིང་།། དེ་བཞིན་གཤེགས་པའི་ཚོགས་བསད་ན།། དངོས་གྲུབ་རབ་མཆོག་ཐོབ་པར་འགྱུར།། དེ་ལ་ཤེས་རབ་ཀྱི་ཕ་རོལ་ཏུ་ཕྱིན་པའི་དམ་ཚིག་རྗེས་སུ་དྲན་པ་ཇི་ལྟར་བསྒོམ་ཞེ་ན། ཐམས་ཅད
296b6 རང་བཞིན་འོད་གསལ་བ།། སྐྱེ་བ་མེད་ཅིང་ཟག་པ་མེད།། བྱང་ཆུབ་མེད་ཅིང་མངོན་རྟོགས་མེད།། ཁམས་ཀྱང་མེད་ཅིང་འབྱུང་བ་མེད།། དེ་ལ་མ་སྐྱེས་པ་རྗེས་སུ་དྲན་པ་ཇི་ལྟར་བསྒོམ་ཞེ་ན། རང་བཞིན་འོད་གསལ
iiif viewer powered by OpenSeadragon
