| e-texts navigator |
| Wylie |
294b1 ཀྱི།། གསང་བ་བྱང་ཆུབ་དམ་པ་སྟེ།། ཡང་དག་སྔགས་ཀྱི་གསང་བ་འདི།། ལུས་ངག་སེམས་ལས་འདའ་བའོ།། དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་ཀྱི་གསང་ཆེན་གསང་བ་འདུས་པ་ལས
294b2 སྐུ་དང་གསུང་དང་ཐུགས་བྱིན་གྱིས་རློབ་པའི་ལེའུ་སྟེ་དྲུག་པའོ།། །། དེ་ནས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་སྐུ་གསུང་ཐུགས་ཀྱི་བདག་པོས་དམ་ཚིག་ཆེན་པོའི་དེ་ཁོ་ན་ཉིད་སྔགས
294b3 ཀྱི་སྤྱོད་པའི་མཆོག་མངོན་པར་རྫོགས་པར་བྱང་ཆུབ་པའི་ལེའུ་འདི་གསུངས་སོ།། འདོད་པའི་ལོངས་སྤྱོད་ཐམས་ཅད་ལ།། ཇི་ལྟར་འདོད་པ་བསྟན་པར་ནི།། འདི་ལྟ་བུ་ཡི་སྦྱོར་བ་ཡིས།། ངེས་པར་སངས་རྒྱས
294b4 མྱུར་ཐོབ་འགྱུར།། འདོད་པ་ཐམས་ཅད་ལོངས་སྤྱོད་པ།། ཇི་ལྟར་འདོད་པ་བསྟེན་བྱ་ཞིང་།། རང་གི་ལྷ་ཡི་སྦྱོར་བ་ཡིས།། བདག་དང་གཞན་ལ་མཆོད་པར་བྱ།། དཀའ་ཐུབ་སྡོམ་པ་མི་ཟད་པ།། བསྟེན་པས་འགྲུབ
294b5 པར་མི་འགྱུར་གྱི།། འདོད་པའི་ལོངས་སྤྱོད་ཐམས་ཅད་ལ།། བསྟེན་ན་མྱུར་དུ་འགྲུབ་པར་འགྱུར།། སློངས་མོ་ཟ་ཞིང་མི་བཟླས་ཏེ།། སློང་ལ་དགའ་བར་ཡང་མི་བྱ།། འདོད་པ་ཀུན་ལ་ལོངས་སྤྱོད་ཅིང་།། སྔགས་ཀྱི
294b6 ཡན་ལག་མ་ཉམས་བཟླས།། ལུས་དང་ངག་དང་སེམས་རྣམས་ནི།། བདེར་གནས་ཐོབ་ན་བྱང་ཆུབ་འཐོབ།། གཞན་དུ་དུས་མིན་འཆི་བ་དང་།། དམྱལ་བར་ངེས་པར་བསྲེག་པར་འགྱུར།། སངས་རྒྱས་བྱང་ཆུབ
iiif viewer powered by OpenSeadragon
