| e-texts navigator |
| Wylie |
294a1 རྣམས་ནི།། དེ་རུ་མདོར་ནི་སྤྲོ་བར་བྱ།། སྐུ་གསུང་ཐུགས་ཀྱི་མཚན་མ་ཡི།། ཆོས་ཀྱི་ཚིག་རྣམས་རབ་ཏུ་བརྗོད།། དེ་ནས་དཔལ་ལྡན་རྡོ་རྗེ་འཆང་།། དེ་ཉིད་དོན་ཀུན་སྟོན་པ་པོས།། སྤྱོད་པ་ཀུན་མཆོག
294a2 ལེགས་དག་པ།། གསང་བའི་དམ་པ་བཀའ་སྩལ་ཏོ།། གཟུགས་དང་སྒྲ་དང་རོར་ལྡན་པ།། ཤེས་རབ་ཅན་གྱིས་ཟླ་དྲུག་བསྒོམ།། གསང་བའི་དེ་ཉིད་མཆོད་ཆེན་ནི།། ལེགས་མཆོད་ནས་ཀྱང་བསྒོམ་པར་བྱ།། དངོས
294a3 གྲུབ་འབྲས་བུ་འདོད་པ་ཡིས།། ཟས་སུ་བཤང་གཅི་ཟོས་ན་ནི།། སངས་རྒྱས་བྱང་ཆུབ་སྐྱོན་མེད་པ།། ཡང་དག་བླ་མེད་འགྲུབ་པར་འགྱུར།། ཤ་ཡང་བཟའ་བར་བྱ་བའི་ཕྱིར།། ཤ་ཆེན་པོ་ནི་རབ་ཏུ་བརྟག། གསང
294a4 པབའི་སྐུ་དང་གསུང་དང་ཐུགས།། དངོས་གྲུབ་ཐམས་ཅད་འགྲུབ་པར་འགྱུར།། གླང་པོའི་ཤ་དང་རྟ་ཡི་ཤ། དེ་བཞིན་དམ་པ་ཁྱི་ཡི་ཤ། ཟས་ཀྱི་ཕྱིར་ནི་བཟའ་བར་བྱ།། ཟས་གཞན་བཟའ་བར་མ་བྱས་ན།། བྱང་ཆུབ
294a5 སེམས་དཔའ་བློ་ཅན་དང་།། སངས་རྒྱས་རྣམས་ནི་མཉེས་པར་འགྱུར།། འདི་ལྟ་བུ་ཡི་སྦྱོར་བ་ཡིས།། མྱུར་དུ་སངས་རྒྱས་ཉིད་འཐོབ་འགྱུར།། འདོད་ཁམས་དབང་ཕྱུག་འཇིག་རྟེན་དུ།། གོ་འཕང་ལས་ནི་བྱེད་པར
294a6 འགྱུར།། སྟོབས་ལྡན་གཙོ་བོ་གཟི་བརྗིད་ཅན།། མདངས་བཟང་མཐོང་ན་ཡིད་དུ་འོང་།། མཐོང་བ་ཙམ་གྱིས་བསྐུལ་མེད་པར།། འཇིག་རྟེན་འདི་དག་དབང་བྱེད་འགྱུར།། འདི་ནི་ཐམས་ཅད་སངས་རྒྱས
iiif viewer powered by OpenSeadragon
