| e-texts navigator |
| Wylie |
292a1 སེམས་དཔའ་ཆེན་པོ་དེ་དག་རང་རང་གི་སྟན་ལ་གནས་པར་གྱུར་ཏོ།། དེ་ནས་དེ་བཞིན་གཤེགས་པ་ཐམས་ཅད་ངོ་མཚར་དུ་གྱུར་རྨད་དུ་གྱུར།། དགྱེས་པས་ཁྱབ་པར་གྱུར་ནས་ཆོས་ཀྱི་དབྱངས་འདི
292a2 སྐད་ཅེས་གསུངས་སོ།། ཨེ་མའོ་ཆོས་ཨེ་མའོ་ཆོས།། ཨེ་མའོ་ཆོས་ཀྱི་དོན་འབྱུང་བ།། ཆོས་དོན་དག་པ་བདག་མེད་པ།། རྡོ་རྗེ་རྒྱལ་པོ་ཕྱག་འཚལ་འདུད།། སྐུ་དང་གསུང་ཐུགས་རབ་ཏུ་དག། ནམ་མཁའ་དང་ནི
292a3 མཉམ་ཉིད་གནས།། རྣམ་པར་མི་འགྱུར་སྣང་བ་མེད།། རྡོ་རྗེའི་སྐུ་ལ་ཕྱག་འཚལ་འདུད།། ཐུགས་ནི་དེ་བཞིན་གཤེགས་པའི་གཙོ།། དུས་གསུམ་དག་གི་ལམ་དུ་འབྱུང་།། ནམ་མཁའ་ཆེན་པོའི་དབྱིངས་གྱུར
292a4 པ།། ནམ་མཁའི་ལམ་ལ་ཕྱག་འཚལ་འདུད།། ནམ་མཁའི་སྐུ་ལས་ཡང་དག་བྱུང་།། ནམ་མཁའི་ལམ་ལ་གནས་པ་པོ།། ནམ་མཁའི་ཐུགས་ཏེ་ཆོས་ཀྱི་མཆོག། སྤྱོད་པའི་གནས་ཁྱོད་ཕྱག་འཚལ་ལོ།། དེ་བཞིན
292a5 གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་ཀྱི་གསང་ཆེན་གསང་བ་འདུས་པ་ལས་ཀུན་ཏུ་སྤྱོད་པའི་མཆོག་གི་ལེའུ་སྟེ་ལྔ་པའོ།། །། དེ་ནས་དེ་བཞིན་གཤེགས་པ་རྡོ་རྗེ་མི་བསྐྱོད་པས་དེ་བཞིན
292a6 གཤེགས་པ་ཐམས་ཅད་ཀྱི་སྐུ་གསུང་ཐུགས་ཀྱི་གསང་བ་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ་ཐུགས་བྱིན་གྱིས་རློབ་པའི་སྔགས་འདི་གསུངས་སོ།། ཨོཾ་སརྦ་ཏ་ཐཱ་ག་ཏ་ཙིཏྟ་བཛྲ་སྭ་བྷཱ་བ་ཨཱཏྨ་ཀོ&
iiif viewer powered by OpenSeadragon
