| e-texts navigator |
| Wylie |
291a1 སྨྱིག་མ་མཁན་ལ་སོགས།། གསོད་དོན་དོན་གཉེར་སེམས་པ་རྣམས།། ཐེག་ཆེན་བླ་ན་མེད་པ་ཡི།། ཐེག་མཆོག་འདི་ལ་འགྲུབ་པར་འགྱུར།། སེམས་ཅན་མཚམས་མེད་ལ་སོགས་པ།། སྡིག་པ་ཆེན་པོ
291a2 བྱེད་པ་ཡང་།། དེ་རྣམས་ཀུན་ཀྱང་ཐེག་པ་ཆེ།། མཆོག་གི་སྒྲུབ་པ་འདིར་འགྲུབ་འགྱུར།། སྙིང་ནས་སློབ་དཔོན་སྨོད་པ་དག། བསྒྲུབས་ཀྱང་འགྲུབ་པར་ཡོང་མི་འགྱུར།། སྲོག་གཅོད་པ་ཡི་སེམས་ཅན་གང་།། བརྫུན
291a3 དུ་སྨྲ་ལ་དགའ་བ་དང་།། གཞན་གྱི་ནོར་ལ་ཆགས་པ་དང་།། རྟག་ཏུ་འདོད་པ་སྤྱོད་དགའ་གང་།། བཤང་གཅི་ཟས་སུ་ཟ་བ་སྟེ།། དེ་རྣམས་སྒྲུབ་པའི་སྐལ་ལྡན་འགྱུར།། མ་དང་སྲིང་མོ་བུ་མོ་ལ།། སྒྲུབ་པོ་གང་གིས
291a4 འདོད་བྱས་ན།། ཐེག་ཆེན་མཆོག་གི་ཆོས་སུ་ནི།། དངོས་གྲུབ་རྒྱ་ཆེན་དེས་འཐོབ་པོ།། སངས་རྒྱས་གཙོ་བོའི་ཡུམ་དག་ལ།། རྣམ་པར་མི་རྟོག་བློ་ཅན་གྱིས།། མཉེས་པར་བྱས་ཀྱང་མི་གོས་ཏེ།། སངས་རྒྱས་ཉིད་དུ
291a5 འགྲུབ་པར་འགྱུར།། དེ་ནས་སྒྲིབ་པ་ཐམས་ཅད་རྣམ་པར་སེལ་པ་ལ་སོགས་པ། བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ངོ་མཚར་དུ་གྱུར། རྨད་དུ་བྱུང་བར་གྱུར་ཏེ། བཅོམ་ལྡན་འདས་དེ་བཞིན
291a6 གཤེགས་པ་ཐམས་ཅད་ཀྱི་བདག་པོ་ཅིའི་སླད་དུ། དེ་བཞིན་གཤེགས་པ་ཐམས་ཅད་ཀྱི་འཁོར་གྱི་ནང་དུ་འདི་ལྟ་བུའི་ཚིག་ངན་པ་གསུང་ཞེས་གསོལ་ཏོ།། དེ་ནས་དེ་བཞིན་གཤེགས་པ་ཐམས་ཅད་ཀྱིས་སྒྲིབ
iiif viewer powered by OpenSeadragon
