| e-texts navigator |
| Wylie |
290b1 མ་འབར་བ་འོད་བྱེད་པ།། ནུབ་ཏུ་ཀུན་དུ་བྲི་བར་བྱ།། རྡོ་རྗེ་འཁྱིལ་པ་རྡོ་རྗེ་ཅན།། བྱང་དུ་རྡོ་རྗེ་བྲི་བར་བྱ།། ཐུགས་ཀྱི་དཀྱིལ་འཁོར་དམ་པ་དེ།། ཡོངས་སུ་གསལ་བར་ཤེས་བྱས་ནས།། ལུས་དང་ངག་སེམས་མཆོད
290b2 པ་ཡིས།། ནན་ཏན་དུ་ནི་མཆོད་པར་བྱ།། བཙུན་མོ་མཛེས་ཤིང་མདངས་བཟང་བ།། ལོ་གྲངས་བཅུ་དྲུག་ལོ་རྙེད་ནས།། དྲི་དང་མེ་ཏོག་ཕྲེང་བརྒྱན་ཏེ།། དེ་དབུས་སུ་ནི་འདོད་པ་བྱ།། ཡོན་ཏན་སྐེ་རགས་མཱ་མ
290b3 ཀཱི།། ཤེས་རབ་ཅན་གྱིས་དེ་ཕྱིན་བརླབས།། སངས་རྒྱས་ཞི་བ་ཚུལ་སྤྲོས་པས།། ནམ་མཁའི་དབྱིངས་ནི་རབ་ཏུ་བརྒྱན།། བཤང་གཅི་ཁུ་བ་ཁྲག་ལ་སོགས།། ལྷ་རྣམས་ལ་ནི་དབུལ་བར་བྱ།། དེ་ལྟར་བྱས་ན་སངས
290b4 རྒྱས་དང་།། བྱང་ཆུབ་སེམས་དཔའ་གྲགས་ཆེན་མཉེས།། དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་ཀྱི་གསང་ཆེན་གསང་བ་འདུས་པ་ལས།། དེ་བཞིན་གཤེགས་པ་ཐམས་ཅད་ཀྱི་ཐུགས་ཀྱི
290b5 དཀྱིལ་འཁོར་གྱི་ལེའུ་སྟེ་བཞི་པའོ།། །། དེ་ནས་དེ་བཞིན་གཤེགས་པ་ནི།། ཀུན་གྱི་སྐུ་དང་གསུང་ཐུགས་ཀྱི།། རྡོ་རྗེ་འཆང་བའི་རྒྱལ་པོ་ནི།། གནས་ཀྱི་དབང་ཕྱུག་ཀུན་མཆོག་གིས།། སྤྱོད་པ་ཀུན་མཆོག་ཆོས
290b6 ཀྱི་དོན།། སྤྱོད་པའི་མཚན་ཉིད་བཀའ་སྩལ་ཏོ།། རྣམ་པར་མི་རྟོགས་དོན་ལས་བྱུང་།། འདོད་ཆགས་ཞེ་སྡང་གཏི་མུག་རིགས།། ཐེག་པའི་མཆོག་ནི་བླ་ན་མེད།། རབ་མཆོག་དངོས་གྲུབ་སྒྲུབ་པར་བྱེད།། གདོལ་པ
iiif viewer powered by OpenSeadragon
